قصر الرياش

12

قصر الرياش

الكاتبة..ليال الهاشمي

تابعو حسابي هذا اليوزر 👈Lolo20096

::صوتوووووو

::علقووووووو

::تابعووووووو

::صلو على محمد وبلشو بالقصة

رجعت انتبه على يامور اكثر من قبل وهية حيل فرحانة بوجودي
دواها خلص ورحت انا جبتة وصرت انطيهة الدوى بوقتة والدوة دائماً عندي والغرفة ابدا ماطلع منهة وبس احجي ليامور كلشي
شيصير وياي وعن طفولتي اتذكر مواقف واحجيلهة
دابر حيل مبتعدة عنة وانتبهت علي حيييييل عصبي هل فترة والتليفون مايوكع من ايدة يحجي بالغرفة مالتة وانا من يمي اسمعة هالكد ماعصبي بكلامة حتى انا خفت منة  حيل
شعاع ونايا ما الهم حس خفت مشاكلهم وسراب كالعادة تجي تطمن على يامور شوية وتروح ونهاد ام شعاع حيل معتزلة ماتطلع من غرفتهة الة نادراً
وكلشي يمشي طبيعي او هذا الي جنت مفكرتة
مرن اسبوعين نفس الروتين
بس انتبهت من اجي انا يدخلون الولد قصدي دابر وشعاع والياس ويمان
يدخلون وي دخلتي ومبين التعب بوجوهم
حيل تعبانين ومبين مانايمين اصلا
كوة يصعد شعاع ودابر لغرفهم
والباقي لا جوة غرفهم استغربت حالتهم بس ماهتميت جانن امي ويامور هنة اول أولوياتي
ماجنت اهتم لايشي يصير بالقصر ولا ادخل نهائيا
إلى أن اجة اليوم الاسود الي من
يومهة وحياتي تغيرت  وصارت جحيم

..................................______________________

نايا

شعااااااع الحقير والله الا اندمة على سوايتة من ورا خسرت دابر وخسرت سيارتي وعقاب علية طلعة ماكو لمدة شهر
بس اني اعلمك ياحقير عبالك اسكتلك لا واللف لا

محد جان موجود من الولد كلهة طالعة للشغل استغليت الوضع
وصعدت لغرفتة بدون محد يحس علية
دخلت للغرفة وابتسمت بخبث
رحت على الميز مال العطور اخذت واحد من العطور الي عندة وحطيت عطر ثاني كلش يشبهة بس الموجود بالزجاجة مالت العطر هوة مي يخلي الجسم كلة بغيحكة وراح يبقى يحك إلى أن يتوب مني
طلعت من الغرفه بسرعه ونزلت جوة دخلت لغرفتي وبقيت انتضر رجعتة
بقيت ساعات انتضر رجعتهم إلى أن سمعت صوتهم
ابتسمت بفرح واخيرا اجة
كمت طلعت من الغرفة كعدت بالصالة انتضرت اسمع صوت او شي بس كلشي ماكو ولا صوت اووووف ياربي معقولة حط من العطر بس يستحي يصيح اي اكيد فشلة رجال شكدة شكبرة يعيط بسبب هيج شي سخيف مثل الحكة
بقيت انتضر إلى أن نزل وجان مبين هستوة سابح
ومتعطر وأبد مامبين حاط من العطر اااوووف
فشلت خطتي اللة ياخذك شعاع الحقير
دخلت لغرفتي وانا حيل معصبة وماكو شي يمشي مثل ما اريد الممرضة ورجعت وشعاع ماعرف شسويلة
سحبت نفس عميق وحاولت اهدئ نفسي
ريلاكس نايا اهدئي عادي مو مشكلة وإذا فشلت هاي الخطة اكو غيرهة
صار منتصف الليل وطلعت برة بالحديقة اغير جو
سمعت صوت حاولت اتصنت شفتهم
شعاع ودابر كاعدين يحجون اقتربت أكثر احاول اسمع شيحجون