قصر الرياش

8

قصر الرياش

الكاتبة..ليال الهاشمي

تابعو حسابي هذا اليوزر 👈Lolo20096

::صوتوووووو

::علقووووووو

::تابعووووووو

::صلو على محمد وبلشو بالقصة

روز

اسبوع مر وانا رجعت للشغل بالمستشفى
رجعت لنفس روتيني تخطيت الي صار وياي والحمدلله على كل حال

دحلنة بغرفة العمليات وبقينا ساعات واحنى نسوي بالعملية
والحمدلله نجحت العملية
طلعت كلش تعبانة من الوكفة أربع ساعات واحنة بس واكفين ونتحرك
توجهت لغرفة الاستراحة كعدت اشرب مي واجن البنات يستفسرن مني شصار
ماحجيت شي اختصرت الموضوع انو شغلي ماعجبهم
وهنة بقن يحجن على جمال دابر وألياس ويمان وباقي من ولد عمهم
ويتمنى يتزوجن من هاي العائلة ويصير غبيات وكل وحدة تتمنى توزع هذا وهيج تتمنى تزوج هذا ويصير عدهة وكذا وكذا

صفنت عليهن هذني مايعرفن شيتمنن
منو كاللهن حياتهم حلوى
شو ماشفت اي حب بهاي العائلة مو قصدي اتنصت عليهم أو اراقبهم بس كلشي واضح بس دابر الوحيد الي يهتم بأختة
يمان ونايا بس غلط وشتايم
ألياس مايدخل بأي شي حتى لو الدنيا تحترك مايدخل
وشعاع ونايا على شوي يقتلون بعض
وسراب وأم شعاع مايتحاجن ولا يمرن ببعض ولا يدخلن ببعض رغم عايشين بنفس البيت بس مثل الغرباء محد إلى دخل بالثاني
شنو هل عائلة ياربي
وطالوت من اجي والى ان ارجع لبيتي هوة ماموجود
شوكت يشوفهم وشيوفونة ما اعرف

حسيت بكرصة بأيدي صرخت واني افرك بأيدي

روز::- اوووج أزل شبيج وجعتيني

أزل::- صارلي ساعة احاجيج ماتسمعيني

روز::- شتردين

أزل::- الرقم

روز::- بس رقمي عندج

أزل: :- لج لا اريد رقم دابر اكيد عندج حبابة انطينيا

روز::- والله ماعندي حذفتة والله

شهكت وهية تباوع بعيوني كلبت عيونهة بقهر وهية تحجي عبالك واحد جاي تطلع روحة

أزل: :- شلون بس فهميني شلون انطاج كلبج تحذفين الرقم من ضغطتي على كلمة حذف ما وجعج كلبج بس فهميني الله هم منطيج كلب احساس
حذفتي رقم شيخ الشباب هاي لو اني جان حذفت روحي من الدنيا قبل لا احذف رقمة

صفنت هاي شبيهة تخبلت يبوييي ولد الرياش خبلوهن
سكتت مارديت عليهة عفتهة تكلب بصفحاتهم وكل شوية وشهكت وهية تباوع على جمالهم اخر شي طلعت صورة ودارت التليفون علية تشوفني الصورة