قصر الرياش

3

قصر الرياش

الكاتبة..ليال الهاشمي

تابعو حسابي هذا اليوزر 👈Lolo20096

::علقووووووو

::تابعووووووو

::صلو على محمد وبلشو بالقصة

حور

كملنة دروس وطلعت من المدرسة بسرعة فشلانة من حذائي كوة امشي وصلت للبيت فتحت الباب دخلت للصالة شفت اكو كانتورة على القنفة فتحتهة وانصدم وانا اشوف
حذاء جديد ابيض رياضي يجننن مثل ما أنا أحب
بقيت مصدومة منو الي جابة هذا الحذاء غالي خاف بابا جابة لا لا بابا مايشتري ابوي واعرفة ماعندة احساس ويحس على نفسة ويجيبلي حاجه

بقيتةاباوع على الحذاء واني حسبة جيبني وحسبة توديني طلعت برة التفتت يمين يسار ماكو اي احد طلعت على جيرانا دكيت الباب طلعت جارتنا

::-خالة شفتي احد دخل على بيتنا

::-لا ماما محد دخل للبيت انا هنا واكفة أربعة وعشرين ساعة اعرف الجاي والرايح
ليش ماما صاير بيتكم مبيوك

::-لا لا خالة شيبوكون هوة شبي حتى ينباك

طلعت منهم ورجعت للبيت لبست الحذاء كلش حلو
يجننننننن
فرحت حيل بس بقى السؤال منو الي جابليا
اجة بابا بليل وسألتة على الحذاء وكال لا مامشتري اي حذاء

بدت الامتحانات وهل مرة صرت أقرة بكل جد حتى أطلع معدل عالي
طاح حضي بالقراية سهر وتعب والبيت من صفحة اوووووففف تعبت يمتى تخلص المدرسة

كملت أمتحانات والحمدلله إلاسألة كلش سهلة أحمدك وأشكرك ربي

وأجة يوم النتائج والصدمة الي خلت الكل ينصدم طلعت

الأولة على المدرسة كلهة

هاي اني خاف غيري

رحت للمديرة بعد ما استوعبت الي صار والبنات بقن صافنات علي والكل كال انو اني غشيت وما الومهم هوة حتى اني شكيت بنفسي

دكيت الباب وسمعت صوت المديرة كالت ::-ادخل
دخلت للإدارة وكعدت على الكرسي والمديرة كبالي تنتضرني احجي

حور::- ست انا اعرف نفسي درست واجتهدت بس مال
أطلع الأولة على المدرسه ماتوقع اني أكدر اجيب هيج معدل بأجوبتي ممكن تتأكدين من دفتر الاجوبة

::-قصدج احنى منعرف نصحح

::-لا ست واللة مو هيج قصدي بس اريد تتأكدين من النتيجة

كامت المديرة وجابت دفتر الاجوبة مال الامتحانات
فتحت الدفتر وشفت كل الاجوبة صح ونفس خطي بس مااعتقد انا جاوبت على كل هذا الأسأله باوعت بالورقة زين ماكو اي اثار للمسح او تجديد الخط
سديتة الدفتر وتشكرت من المديرة وطلعت
وانا فرحانة بنفسي حييل وفخورة بعلاماتي
البنات كلهة دارن وجهن عني وبعد ميحجن وياي عبالهن غشيت بس مو مهم المهم نجحت