قصر الرياش

10

قصر الرياش

الكاتبة..ليال الهاشمي

تابعو حسابي هذا اليوزر 👈Lolo20096

::علقووووووو

::تابعووووووو

::صلو على محمد وبلشو بالقصة

حور

حسن: :-بابا حور جهزي نفسج تتزوجين بعد يومين
اريد ابلع اللكمة ماكدرت ماعرف شنو احساسي بهذا الوقت صفنت بوجه بابا بدون ردة فعل وكأن ايست من نفسي هل مرة الدموع تحجرت بعيوني من الصدمة
كمل بابا أكلة وكام غسل ونام وانا غسلت المواعين وكعدت بالغرفة صافنة بغير عالم مابجيت لان احس عقلي وكلبي توقفو بعد ماكدر احس بشي أو افكر بشي
غمضت عيوني ونمت واجة ثاني يوم وبابا طلب من جيران
تشتريلي ملابس وتجهزني وهية هم ماقصرت
اخذتني للسوك وانا بس واكفة ماختاريت اي شي وهية كلساع وسألتني إذا مجبورة بس ماكدر اكللهة اي مجبورة شراح تسوي قابل اهز براسي لا
وهية تسكت راحت للصالون حفلي وجهي وقشرلي جسمي حجزنة وحجزنا يمهة وبدلة كذالك حجزنة
هذا كلة جيران سوتة وانا ماختاريت أو اشتريت اي شي
بس اهز براسي اي

لحد ثاني يوم اخذتني جيرانة من الصبح للصالون
استلمتني ام الصالون بس تصلي على محمد
عدسات ماحطتلي لان لون عيوني صفر على خضر
فكالت مايحتاج
حطتلي مكياج بس خفيف لأن ملامحي طفولية أو أنا اصلا طفلة فما يصير مكياج قوي
كملت مكياج وبدت بالتسريحة
احس روحي طلعت عدما كملت شغلهة واخيرا لبست البدلة وطلعت وجيرانة رجت الصالون رج بالهلاهل
و الموجودات بالصالون بس يصلن على محمد
وكفت كدام المراية شفت نفسي حلوة اخبل بس شنو الفائدة الله منطيني جمال بدون حض

طلعت جيرانة أجرت سيارة تكسي واجت اخذتني كوة امشي بالبدلة صعدت بالسيارة
ورجعت للبيت شفت جيرانة كلهة جاية وخطية بنت جيرانة مستلمة كلشي مي وعصير توزع الموجودين اول ما دخلت والجكليت صار مثل المطر ينزل على راسي
والهلاهل طرشتني طرش
كعدت على الكرسي الموجودين والبنات واكفات يمي ويسألني على العريس
وكلتهلهن ابن عمي وبقاً يسألني علي وانا اجاوب بس كلة جذب اصلا أنا ما عرف شي عنة
بعد ساعتين تقريباً وصار صوت طلق ناري معلن عن وصولهم
بقو برة حطينة كراسي برة وكعدو لان ماكو مكان الهم ديوان ماكو
رجفة سارت بجسمي كلبي ما عرف شبي نبضاتة
مو منتضمة صرت اتنفس بسرعة وأخيرا استوعبت الي ديصير نزلت دموعي بسرعة مسحتهن واجت جيرانة تسألني شبية ليش ابجي كلتلهة مشتاقة لماما خطية ماقصرت حضنتني وضلت تحجي وياي بحنية وطمني ماكو شي وهذا الزواج واجب على كل بنية لازم تتزوج وتستقر
هية تحجي وانا اهز راسي بنعم
شوية ودخل بابا كال تعالي بالباب خلي يعقدلج الشيخ
كومني وحطن البركع على راسي كعدت ورى الباب
وبدأ الشيخ يعقدلي وانا دمموعي ماسيطر عليهن
بس ثواني وانصدم باسم الشخص الي يعقدلي علي الشيخ