قصر الرياش

2

قصر الرياش

الكاتبة..ليال الهاشمي

::تابعو حسابي هذا اليوزر 👈Lolo20096

::صوتوووووو

::علقووووووو

::تابعووووووو

::صلو على محمد وبلشو بالقصة

حور

صفنت على الكيكة باوعت منا منا ماشفت احد اخذتهة
ودخلت صرخت بصوت عالي

حور::-ياااااااي يمة فدوة صرتي هههههههههه

جبت السجين وحتى ماسألت شلون اجت او شلون وصلت صرت اكل بشراهة حتى غدة ماتغديت اكلت الكيكة كلهة حتى ماعفت لأبوي يلة اذا يريد هوة يشتري

كملت اكل ونمت واني الضحكة شاكة حلكي شكد جان شعور حلو ماضلت بنفسي وطعمهة مستحيل انسى

كعدت العصر قريت شوية وسويت عشة وكالعادة تعشة ونام وانا كملت غسل المواعين وصعدت فوك السطح الهوى منعش وحلو اتنفست بعمق ونزلن دموعي لا أرادياً شهكت ومسحت دموعي تعبانة حيل تعبانة محتاجة امي بس هية تخلت عني وراحت اختارت تعيش حياتها وتعوفني ما الومها ابداً حقهة هذا انها تعيش حياتها
بس بس ما اعرف اكو غصة بكلبي ماتروح كل ما اتذكر شكد أنا محتاجتها وهية مو يمي رغم وجودهة بس هية مو يمي
اريد احجي وياها اريد اسولفلها عن يومي اريد احجيلهة على صديقاتي بالمدرسة أريدها من تروح للسوك تشتريلي حتة لو حاجة بسيطة بس افرح بيهة حالي حال البنات أنا شنو ذنبي من عافتني وراحت
وين عفتيني ماما تعالي شوفي بابا بعمرة ما سألني اذا محتاجة شي بس مصروف وكوة ينطيني واني ما اخذة للمدرسة لا أعوفة بالقاصة مالتي اضمهن حتى إذا احتاجيت شي اخذ منهن ربع ربع والف الف واجمعهن اشتري شي مفيد
والله الحلويات ما اشتريهة ولا اصرف ربع عليهن حتى الربع استحسف أصرفة على نفسي

اااخخخ يمة بس تعالي شوفيني شوفيني شلون عايشة
جاي احس نفسي يتيمة وانا عندي أهل

مسحت دموعي وأخذت نفس عميق واسترخيت ابتسمت براحة حسيت نفسي ارتاحيت هواي بعد مابجيت وفضفضت

حسيت اكو حركة بالصطح ما جيرانا
شفت اكو ضل بسرعة اختفى

::- عزززززةةة بعينج حور معقولة شبح. هذا البيت محد يسكن بي يبويييي دخلت للبيت بسرعة وسديت باب الصطح بس هوة مايتسركة ولا ينقفل باقي بس هيج حاطينة كلاوات جبت حديدة حطيتة على الباب وثبتة ورحت لفراشي نمت

كعدت الصبح بدلت وسويت ريوك تريكت وطلعت
جاي امشي وعثرت والبوت مالي انسحك من جوة هوة اصلا ماباقي بي شي وهسة انسحك الكاعية كلهة مأكولة
هسة شلون اروح يربي والله يفشل مسحت دموعي ورحت للمدرسة بسرعة دخلت للصف كعدت برحلتي وبعد ماكمت ابدا اخاف اكوم ويشوفون حذائي ويضحكن علية وانا كلشي ولا عزت نفسي وكرامتي ما اسمح احط نفسي بهيج موقف