قصر الرياش

13

قصر الرياش

الكاتبة..ليال الهاشمي

تابعو حسابي هذا اليوزر 👈@Lolo20096

::صوتوووووو

::علقووووووو

::تابعووووووو

::صلو على محمد وبلشو بالقصة

ل

نايا

اسمع كلامة ودموعي ينزلن على خدي رجعت لغرفتي بسرعة ركضت على السرير سحبت المخدة على وجهي وصرخت بصوت مكتوم ابجي واصرخ وعاضة المخدة ماريد احد يسمعني ويحس بضعفي
مستحيل اخليها تبقى لحضة وحدة بعد لو اعرف اموت ما اخلي روز تبقى لحضة بالقصر
هدأت شوية وبقيت افكر بطريقه اتخلص من الممرضة

بعد محاولات وتفكير طويل لكيت طريقة ضحكت بشر وأردفت وانا اباوع على نفسي بالمراية
::- مو نايا الي ينلعب وياها وتبقى ساكتة
نمت وكعدت ثاني يوم اخذت ملابسي ودخلت للحمام
سبحت وكملت طلعت من الغرفة خليت مكياج
حطيت عطر وسحبت تليفوني العب بي واشوف شنازل على الانستا
كاعدة على السرير وأحس بحكة بركبتي حكيتهة شوية وأحس الحكة زادت اكثر صرت احك مثل المخبلة صار جسمي كله يوجعني من الحك
وما أكدر اسيطر على جسمي صرخت بوجع وانا مثل المجنونه احك
دخلو امي ويمان ووراهم شعاع مبتسم بشر عرفت هوة الي سوة هيج وخلة العطر هذا حتى ينتقم على الي سويتة
الله ياخذك شعاع
اجة يمان بسرعة لزم ادية مايخليني احك وانا ماكدر اسيطر على نفسي
امي ويمان كوة دخلوني للحمام وفتحو الدوش  وصار المي ينزل علية وانا بملابسي كاعدة بالكاع وامي ويمان واكفين فوك راسي
ويردون يعرفون شبية
هدأت شوية من الحكة وكلتلهم مابية شي بس عندي حساسية من عطر وهذا كلشي طلعو وعافوني بالحمام
سبحت مرة ثانية وطلعت لبست ملابسي وماحطيت عطر اخاف هم مبدل عطر ثاني
اخذت كل العطورة وشمرتهن بالزبالة ووصيت على عطورة جدد من الانستا
اندك الباب وقبل لا اكول اتفضل انفتح ودخل شعاع على ثغرة ابتسامة الشر

نايا::- انتة شلون تدخل بدون ما اسمحلك

شعاع ::- بكيفي ويعجبني اريد ادخل اريد لا

نايا : :- عفواً شنو بكيفك شنويعجبك لا عزيزي مو بكيفك وهسة اذا ماتطلع فوراً اصرخ

اجة تقرب مني وانا كاعدة على الكرسي مال الميز مرتكية على الميز
تقرب وسحبني انا والكرسي علي وصار كلش قريب مني اردف بنبرة تهديد

شعاع: :-شوفي نايا لعب جهال لا تلعبين وياي لان والله اندمج لا تتقربين مني كلش لان بس انتي إلي راح تتاذين فاهمة واياج مرة ثانية تدخلين غرفتي
دفعني بخفة وطلع
هزيت راسي بنعم وكلت بيني وبين نفسي
نايا ::- اسفة شعشوع بس حطيتك براسي واذا ماندمك ما اتسمى نايا
بس انت راح اعوفك كم يوم بين ما اشوف حل
لهاي الممرضة