خواطر يفتقدها القلب ويحتاجها

مجرد بديل

قبل ما تزعل أن فلان كان قريب وبعد عنك
او كان بيحبك وبيخاف عليك واتغير  معاك

افهم الاول مكانك ايه عشان متظلمش

كان بيحبك ولا محتاجلك

بيحبك ولا محتاجلك

انت حب ؟؟  ..... انت احتياج؟؟

لو كنت حب اطمن ونام ... وانسي كل الهموم .. ولو يوم اتغير معاك اعرف أنه ممكن يكون مهموم ..
لانه فالاصل مش مغصوب

عارف الكارثه فين ....💔

لو كان محتاجلك ....
انت فى حياته لاحتياجه سبيل
خلص احتياجه هيفوق ويقول انت هنا ليه

محتاج تسمعه .. محتاج حنانك ...
محتاج امانك .. محتاج حبك ليه ..
محتاج سؤالك وخوفك وقلقك عليه ....
محتاج اهتمامك وان انت بتراعيه ....

اعرف شي واحد اكيد ...

يوم مايلقى حد تانى يسد احتياجه اكتر منك هيبتدى يتغير معاك  وقتها كفه ميزانك هتخسر ياجميل  ..  سعرك قل بحياته ...

متلمش عليه ... افتكر كويس كان محتاجك
محبش ..... لوكان حبك كان مستحيل يرضالك بديل .. كنت هتكون الأساس من دون شريك ... افهم واعذر ..
هو عرفك وكمل عشان محتاجك فى شيء

لقى إلى يديه اكتر ..
مش عيب فيك .. ولا انت قصرت
بس هو بيحب التجديد والذيادة فى التجويد اصبر شويه لما يسيبه إلى  بيسد احتياجه يمكن  يرجع يدور عليك

انت فى حياته مؤقت ..
ملكش ضمان للبقاء .. كمل فى الاحتياطى لو متقدرش تستغنى عنه ..
بس اعرف المهم والاكيد ...
انت فى حياته مجرد بديل ....

هتتوجع وتتعذب وتعانى طول النهار والليل
قلبك هيتوجع  وعينك هتنزل  الدمع سيل
هتلوم فى نفسك وتقول أنا قصرت فى ايه

هتحتاج منه كلمه  حب هتحتاج سؤاله عليك .. هتحتاج أنه يقولك مكانك محفوظ
هتحتاج يقولك فاكرك مش نسيك ...

هتحتاج  ومع الوقت للاسف هيتحول الحب عندك لاحتياج مميت !!!!

هيرد عليك وبكل ود يقول  ...
اسف مشغول ..
اسف اطمن انت الأساس ...
معليش مقصر معاك ..
انا جمبك بس الظروف ..
انا معاك وعليك ملهوف ...
معليش اصلى رحت وجيت وبعت واشتريت

هيقولك شويه كلام فى الأصل مبررات
بس لو عايز يكلمك كنت هتكون موجود
فى وسط الجميع هيبعت رساله ...
وهو فى الطريق هيسال عليك ....
لو حب يطمن عليك هيقولهم رايح الحمام عشان يبعتلك يقولك عامل ايه ...

مش محتاجه اقدملك إثبات ..
ارجع شويه ايام ... كان بيسال عليك ليل نهار .. كنت معاه فى كل مكان .. كان بيقاوموالنوم عشان شويه كلام ..
كان بيسيب شغله لانك الأساس ..

هيقعد معاهم ساعات بس هيخصصلك ليك انت وقت كتير

نصيحه وتحذير ....

ياتسكت  وتكمل وترضي بالقليل وانك تفضل عالرف مستنى نظرة وتعليق ....

كماله عدد ملكش تمن و اخرك كلمتين اخر الليل يقولك مبررات ويأكدلك انا مقصر معاك ... ويعتذر عشان عايز ينام

او سيبه وامشي خليه مع الجديد إلى سد الاحتياج .. خليه يكمل معاة لانه زى اليتيم
الى يطبطب هياخد منه كل الاهتمام ...
وجعك هيذيد .. زُلك هيكبر .. كرامتك هتنداس ..

هتسمع ضحكه مع الجميع واحمد ربك لو ابتسم معاك

اختار .؟.💔

ترفع راسك بكرامه ..🤨..

ولا تعيش مزلول تحت رجليه .❤️‍🩹.

الكل هيصبرك وبقولك مشغول اصبر خليه يكمل إلى وراة ...

ومن وراك هتلاقيهم  بيلومو ويعاتبو عليه
بيقولوا حرام عذابه  كتير ...

متخليش نفسك مزلول ....
قوى قلبك واختار كرامتك ...

اعرف شويه شويه هيذيد الابتعاد ...

هو متاكد من شيء وحيد ....

انك مستنى عند الباب ......