صعب ترميمها القلوب
الاسهل تحسي وجعها
العجز سلاح خيبان
مكسور وكف ايدك تعبان
تعالجى القلوب ازاى
القلب وجعه كسر هتلمى اجزائه منين
للاسف فى قلوب شفتها علاجها مع بعضها
تجمعها مستحيل
ووجعها كل يوم بيذيد
تلومى عالاتنين وقلبك دمعه حزين
تقفى فى زاويه تتابعى
سلاحك عاجز يجمع الاتنين
قالو الحب أقوى شيئ ..
للاسف طلع الاستسلام اقوى من البشر .. الغدر والخيانه تغتفر
لكن الاستسلام معناه بايعنى واشتريت راحتك وفضلتها عن راحتى
خزلتنى وسبتنى لوحدى
ريشه فى مهب الريح
وكل ذنبي أنى حبيت اسال نفسي قلبي حبك ليه .. اجيب الصبر يكتم وجعى ليه
ارجع الزمن ازاى وأخفى اكتر مشاعر كان غلط تبان اااه لو يرجع الزمان ماكنت طلعت وقربت من الباب
الاوجاع كتيرة دموعها نار بتقيد
والعلاج الوحيد رجوع الزمن من جديد
يرجع وماتعرف كتير
او يرجع ومحبكش ياجميل
بسال نفسي كتير .. حاسس بوجعى شايف هلاكى .. عاجبك إلى وصلت ليه
مين اهون عليك
وجعك لو كملت معايا
ولا وجعك فى فراقى وانت مش معايا
اتعلم أن الاستمرار معاك دمار بس بعدة عنك هلاك ...
اختارت معايا الأسباب
بس ارجع واقول يارتنى ما خرجت من الباب
