اوهام
خابت الظنون
كسرت كل المريات
ظهرت الوجوة وخرجت من الظلام
كنا عايشين اوهام كنا بنحلم بالأمان
كنا طالبين الاهتمام والاحترام
كانو مصالح بتتصالح .. الخسارة مرفوضه حتى لو فضلت عالهامش .. حافظت على شكل غيرك وشلتها لوحدك . كنت فاكر هيصونك ويقف فى ضهرك
كانو حطينك عالهامش .. محافظين عالتواجد
الغلط مش فيهم بس احنا افتكرنا أننا إلى ليهم
شفنا نظرتهم لينا بعيونا احنا
شوفنا غلط .. كان المفروض نبص علينا بعيونهم هما
شوفناهم حياه بس لقينا نفسنا اموات
عايز تعيش اتلون بالوان الربيع
الصدق هيشوفوة كدب والصراحه هيرفضوها
وضوحك هيبقى غدر وكلامك فى الوش هيبقى خيانه .. سندك هيتخلى عنك
هيخاف يخسر هيقف عالحياد ..
ساعه الجد هيمسك فى إلى عايزة .. مهو ضامن وقوفك جمبه ..
مش هيفكر فيك للممات .. محدش عرف اصل الحكايه
صنت وشلتها لوحدك .. اتهموك وهو اتفرج ..
انت كنت صح .. وافقت تساعد .. بس احنا فى زمن مختلف
كنت ضهر وسند بس اتصدرت فى الغلط
كنت فاكر انك صح .. استأذنت فى الخفاء
شلتها لوحدك فى العلن وبقيت الاسواء
طلعت غلط .. مش غلطهم
الكل شاري مصلحته .. الكل اتمسك بالى هو عايزة
وقفت تتفرج مدافعتش عن نفسك ..
مسحت دمعك لوحدك .. خلاص شافوك شيطان
وقفت تتفرج قلبك يبكى من سكات اتعلم الدرس
اياك بعد كدة مع غيرك تدخل
اياك لغيرك تتصدر
عشان هو هيكون برئ وانا شيطان رجيم
