هو احنا سعرنا كام
لينا تمن ؟؟؟
لو احنا فى سوق حد هيسال علينا
حد يهتم بينا
طب تمنا كام ... غالى ولا رخيص....
لو اختفينا حد هيسال علينا
هيسال بجد ولا مجامله
فى من هيسال وهيلاحظ الغياب
مش قلقانه من الابتعاد
بس مش اى حد هتفرح لو اهتم بيك
انا بسال عن من فرح القلب بالتحديد
من سال بقلبه وروحه بجد
حد يزعل لزعلك .. يهد الدنيا لو دمعه نزلت منك .. مش حد يوسيك بكلمتين ويروح .. حد يحس حزنك خنجر بقلبه .. حد حتى لو فرحك يحس بعجز ببعدك عنه .. حد لو قلك زهقت منك معناها بيقول بحبك ..
ياصاحبي عايزة توام روح
عايزة حد يداوى وينسى الجروح
ميقولش عايز ولا يفكر فى احتياجه
رضاك وراحتك كنز فى حياته
ليه مش موجود ؟؟؟!!!!
عايزة توام روح لو بموت يحس بيه
لو صاحيه يتصل يسأل عليه
لو نايمه يستنى نهارى يطلع
اه عايزة حد تحت امرى
ايه المشكله ... كتير عليه
عايزة حد يمحى صرخه جوايه
يشيل أثرها من البدايه
عايزة حد جمبي فعلا .. ايه الى صعب فى الحكايه ...
مش بقول حبيب ممكن افضل يكون اخ وصديق .. حد تانى من زمن مختلف
حد يكون مرايا وراحه للنهايه
ليه غريبه الحكايه
قلت توام روح .. ليه ميكونش معاك حد ينسى نفسه ويفتكرك انت ..
يتنفس هواك ... هو هواك سام
لو فرح بضحكتك هينسى همه
لو ساعدك فى يوم هيشوف قيمته
لو سهر عشان عارف هتقدر تعبه
انا مش انانيه انا عملتها قبل كدة
عارفه انها مش صعبه عشان مكنتش صعبه عليه
فى بن توام الروح
هيجى ولا الحياه هتروح
...
