صباح الخير .. رساله اعتذار وتوضيح ...
فى يوم صديق غالى كتب كلام رائع عن الصديق الحقيقي .. عن انيس الروح .. الشخص إلى فعلا يكون كانفسك .. تكملو وتجملو بعض وتكونو واحد ميتقسمش
للاسف انا اعترضت .. مكنتش مقتنعه أن فى زمنا انيس روح ... كتبتله كلام هنشرة ليكم حالا ويمكن يتصدم انى محافظه عليه من شهور كتيرة اتنسيت ...
@jkk2023
{ ازيك يا صاحبي عامل ايه خدتك الدنيا ورجعتك ولا ايه .. حلو انيس الروح كتير ..طلب جماهيرى محتجيلو كتير .. رغم أنه مش بعيد ممكن اخوك وصحبك وجارك .. بس عليك بخيل بالاهتمام ..
ياصاحبي اسالى عالتوكيل .. اى كان الكميه صدقني الطلب عليه كبير .. ياصاحبي الكل محتاجه بس يكون معاه ضمان ضد للهجر والنسيان.. و تفضيل النفس وتبديلك بمالك جديد ... يكون لذيذ عنك غريب ....
ياصاحبي اول عينه هخدها انا .. اوعدك هخاف عليها من الهوى ..هحميها منى ومن التلف بس اوعدنى يكون متين يتحمل العمر والزمن الجميل ... اوعدك هحاول مش احمل عليه كتير
＊*•̩̩͙✩•̩̩͙*˚ ˚*•̩̩͙✩•̩̩͙*˚＊
يا صاحبي اتكلم كلام معقول فين الانيس وتوام الروح .... هو فى الزمن دة موجود ؟؟؟
لقيته انت ؟؟ ... عندك انيس وتوام للروح ؟؟
صاحبك لقى ؟؟ جارك معاه النهاردة توام لروحه واتنصف ... يا صاحبي قولى واعترف ومتخافش من الحسد .. بس اشوف امل هناك جاى من بعيد .. مين بيهتم ويطمن ويسأل بقلب خالص عليك .. مين ساب عشك وهجرة بابتسامه وشاف دمع قلبك وسابه مين ..
سؤالك عامل ايه بقى معاه احكيلى أوصافه واطربنى معاك....يا صاحبي كلامك حلو بس أظنك كنت نايم بتحلم بيه .... فى زمنا دة .. مفيش انيس ولا توام روحي ياجميل
صديقى الغالى لقيت توام روحي ووانيسي jkk2023@
بس مكملتش الحكايه .. غابت وزهقت واحنا لسه فى البدايه .. انت قلت فى ... وانا قلت مفيش .. بس طلع فيه حتى لو مكملش ...
شكرا ليك انك كتبت ... واسفه انى اعترضت ..
