مناسبتنا تحلى بلمتنا

حاربت لأغزو قلبها |كحكك على كحكنا وخد قلبنا|

كتبت الحلقة دي بعد عناء حقيقي ومطبقة من امبارح وعزومات وليلة وحاولت أضغط على نفسي علشان تنزل قبل ما اليوم يخلص

فهستنى كومنتاتكم على كل البارت جملة جملة وهستنى رأيكم

وكل عام وأنتم بخير

____________________________________

كان يقف وهو يستند بظهره على الحائط يتنفس بتوتر وهو يخفض رأسه يخرجها نحو بهو المنزل وفي ثواني كان يعود بسرعة وهو يضع يده على قلبه هامسًا لنفسه برعب:
"كانت هتشوفني كانت هتشوفني"

كاد أن يبكي لينظر نحو الغرفة ينادي لوالده قائلًا بتوتر:
"بالله عليك يا بابا بلاش أنا، بص هديك كل الفلوس الي معايا في الحصالة بس بلاش روان علشان خاطري"

قالها عبد الرحمن وهو ينظر لوالده بترجي ليرمق آدم ولده بوعيد قائلًا:
"أقسم بالله لو رجعت من غيرها لأطردك من البيت"

"ماشي موافق اطردني وأنا هروح أقعد مع عمي عمار ورحمة انا بحب كدة"

قالها عبد الرحمن بحماس ليصرخ بألم عندما شعر بضربة أعلى عنقه من يوسف الذي قال بغضب:
"إجري ياض هات الي قولنالك عليه وبلاش غلبة"

أمسك آدم بيوسف سريعًا قائلًا:
"إمسك العقل يا حمايا، انا هربيه العاق ابن العاق ده"

نظر سليم للجميع بإحتقار وهو يأخذ عبد الرحمن جانبًا قائلًا بمكر:
"مش إنت كنت عايز تروح رحلة المدرسة ونور موافقتش"

أومأ عبد الرحمن بحماس ليقول بمكر طفولي حتى لا يليق بسنه ولكنها جينات وراثية:
"بس شرطي إني أطلع مع رحمة"

"هطلعك مع رحمة يا سيدي، بس يلا خد نفسك كدة وورينا عبد الرحمن ختام مسك سلالة سليم المغربي هيشرفنا إزاي"

نظر عبد الرحمن لسليم بإقتناع قائلًا:
"ثبتني يا سليم إتفقنا، بس ليا كمان شرط، نصها ليا"

شهقة عالية خرجت من فم عمار قائلًا بغضب:
"نص إيه إلي ليك يالا؟؟ سمعني يا إبن آدم نص إيه؟"

"إبني ومترباش يا أخويا، إمسك العقل يا حبيبي أنا هعلقه من قفاه دلوقتي"