مناسبتنا تحلى بلمتنا

الوصية الثلاثية |ثانويتنا العايمة|

حلقة بسيطة كدة بمناسبة نتايج الثانوية العامة بشكل كوميدي خفيف هستنى بقى كومنتاتكم الكتير على الفصل كله ورايكم، وبجد اتمنى اشوفكم كلكم معايا في روايتي الجديدة _شنطة حبنا_

_________________________

كانت جميع العائلة تجتمع في منزل يسرا وفيفي ينتظرون نتيجة ابنائهم بكل قلق، والابناء كلًا منهم يجلس امام هاتف او حاسوب ينتظر ظهور مصيرهم، بينما معاذ كان ينظر للجميع ببراءة لينظر لوالده وهو يقول "بابا هو زياد قلقان ليه، عيب يعني يا زياد يبقى بابا واخد جايزة نوبل ومنحصلوش في كمان جايزتين لينا"

نظر زياد لشقيقه بغيظ وفي ثواني كان يركله بقدمه كما الكُرة الكافر صارخًا "بس يا حبيبي اسكت، جايزتين ايه انت بتوزع من مال امك، اخرس خالص انت دلوقتي"

نظر جاسر لابنه بحدة ثم سحب معاذ لاحضانه فهذا الصغير اللطيف في العائلة لا يحب ان يحزنه احد، بينما معاذ لم يحزن بل ابتسم بسخرية وهو يقول "علشان انت فاشل يا زياد"

"يا بابا هضربه انا عامل حساب لقعدتك انا على اخري أصلا" صرخ به زياد لينظر له جاسر بغضب وهو يقول "ولا اتلم، احترم اني قاعد يا كلب"

اقتربت منة من ابنها الاكبر وهي تنظر له بحماس مردفة "بلا مجموع بلا زفت يلا، الراجل الي يجيب فلوس شهادتك مش هتجهز بنت عمك الي عايز تتجوزها"

لوى زياد شفتيه بحسرة وهو يقول "ياختي اشوف مستقبلي الي بيولع ده الاول وبعدين اشوف جوازي من بنت عمي، انا حلمت اني جايب خمسة وتلاتين في المية يا ماما، انا من الصدمة افتكرتها درجة حرارتي"

كان ياسر ينظر لابناءه اللذان يبتسما له بتوتر ليتنهد ياسر ثم يسالهما بهدوء "طب براحة كدة يا موسى، انت مش قولت ان العربي تمام؟"

اومأ موسى بثقة مردفًا "في شوال يابا بقولك" ابتسمت اروى بسعادة وهي تقول "يعني النحو تمام؟"

"لا محليتش فيه حلو، كان كله جر ونصب وانا محدش يجرني على ملا وشي وينصب على قلبي غير نغم"

انهى حديثه وهو ينحني براسه ليرى معشوقة طفولته تجلس بتوتر من اجل نتيجتها، بينما ياسر لم يستطع منع نفسه من الضحك تحت نظرات اليأس من اروى.