مناسبتنا تحلى بلمتنا

مشهد إضافي |لقاء من لا يطيقان بعضهما|

عدد كبير منكم طلب مني مشهد خاص لنبيل وياسر وهما مع بعض بعيدًا عن مناقرتهم فدة مشهد خفيف ممكن ميكونش كوميدي اوي وهو مش طويل 1500 كلمة تقريبا بيبين علاقة الاتنين مع بعض

هستنى رايكم وكومنتاكم 🤍

_____________________________

كان يصعد الدرج ولكنه توقف فجأة عندما اصطدم بياسر الذي تأفف بملل وهو يقول "اصطبحت بوش نبيل، باقي اليوم باين من اوله"ابتسم نبيل بسخرية وهو يهمس له بثقة "افرح، باقي اليوم هيبقى قمر زي الي واقف قدامك ده"

ضحك ياسر بيأس ثم سأله بفضول "نازل ولا طالع؟"

"رجعت من الشغل بدري، المدام عندها شغل اكتر مني تخيل؟ ابوها عايزها في كام حوار فسيبتهم وقولتلها هروح انا، وانت رجعت مش شغلك بدري كدة ليه؟"

انهى حديثه ليبتسم ياسر باحراج وهو يهز رأسه أثناء حمحمته قائلًا "تقدر تقول كدة، عملت خناقة في الشغل وسيبتلهم المكتب ومشيت لحد ما يتعلموا يحترموا نفسهم" ضحك نبيل بعدم تصديق ليتنهد وهو ينظر حوله قائلًا "واخواتك؟"

"الاتنين في شغلهم، وحتى اروى في شغلها وموسى وعيسى وزياد خرجوا مع صحابهم، مفيش غير منة واسراء قاعدين هما والبنات ونعمة مع فيفي ويسرا فوق"

"اطلع انام يعني؟" قالها نبيل بملل لتنطلق فكرة في ذهن ياسر بسبب شعوره بالملل لم يكن يريد ان يطلب هذا من عدوة اللدود ولكن الآن سيعتبره زوج شقيقته ويقول صريحًا "بقولك ايه؟ ليا مزاج اتعلم امسك السلاح، ما تيجي نروح النادي وتعلمني؟ وكدة كدة مفيش مجال للتفكير هتوافق غصب عنك ياسر ميتقالوش لا"

ابتسم نبيل بخبث وهو يقترب من ياسر يسأله بتحدي "ولو قولت لا؟"

"هزعلك" قالها بنفس نظرة التحدي مع بسمة ماكرة ليفكر نبيل قليلًا ثم يقول "طب ولو قولت بشرط؟"

"يبقى على حسب" قالها ياسر بفضول ليتنهد الاخر وهو يضع يده في جيبه قائلًا بحماس "اعلمك تمسك السلاح، وتعلمني امسك المطوة، انا اه بمسك سكاكين وبعرف انشن بيها، بس عايز اتعلم فتحة المطوة ويعني زي ما بتقول كدة مستعملهاش كظابط واستعملها كشاب في حارة"

رفع ياسر احدى حاجبيه بتفكير ثم ابتسم بحماس وهو يغمز له قائلًا "اتفقنا، يلا بينا"