احـــفـاد الـ حُطـــام

part-10

بقــلمي || زهراء

#أحفاد_ الحُــــطام

" البــاࢪت الــعاشࢪ "

" بــسم ألله الرحــمن الرحـــيم "

( يِــــا عَـلــــيٌ )

~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.

فزيت بخوف من قريت الرساله جانت من صديقتي !!

حنين - ولججج تتررررف ناشرين النتائج على الفيسس
اركضيييي شوفيهن !!
كلبي كام يدك سريع اخذت تلفوني وحطيت شال على راسي ونزلت ركض ..

بعدكم كاعدين كلهم بس ماهتميت ركضت لساجر احجي والهث ..
عبالهم هم بزازين وخفت !

ساجر - ولكك ارشدددد ليش مااقفلتت باب السطح هم طبلهاا بزازين ؟
ترف - لااا لاا موو بزازينن !

احجي والهث احس مو شهاده المدرسه شهاده حياتي كلهاا
ترف - سااااجرر ناشرين النتائجج سااجر شووفهنن ناشريهن على الفيس...

طفرت رُقيه وكفت يمي وتباوعلي وعوزها تبجي بعد وهمه كلهن نخبصو ساجر ايده ترجف ويبحث حتى كام يسحك بالاحرف .

جره ليث من عنده وصار يطلع بالمعدلات
حطيت ايدي على كلبي ورُقيه عيونها مدمعات خايفه اكثر مني .

لان هيه سادس واني خامس
كلنه مركزين ويا ليث وساجر وسراج ياوعون علينه ويرجعون يباوعون ويا ليث ..

ليث - رُقيه امجد حُطام !!
رُقيه - اييييي خلصنييييي كوووللل ؟؟

- ولججج الخااايسه معدلج 98 عفيههه بالبطله !!
صرختت وصارت تبجيي بفرح حضنها رسول فرحان بيهاا وهيه تبجي صارو الكل يباركولها ..

ترف - واااننييي لييثثث؟؟
ليث - اصبري هسه ادخل على مدرستج !

دخل عليها واني احس كلبي حيطلع من مكانه من الخوف!

محد يحس بهل شعور غير بس الي مجربه ..

ليث - ترف ياسر حُطام
حطيت ايدي على كلبي وغمضت عيوني واسمي بكلبي..

- طيح الله حضجج ولج معدلج بالخمسينات !!
فتحت عيونيي على وسعهاا وكلهم باوعو عليه خنكتني العبره وستحيت ابجي كدامهم ..

دنكت راسي ردت اصعد وستوقفني كلامه ..
ليث - جذب والعبااس جذب السباعيه معدلها 96 .

كعدت بالكاع حطيت ايدي على عيوني ابجي تقربت رهف حضنتني وتبجي وياي ..
رهف - عرفت بنيتي السباعيه عفيه عليج يروحي !