احـــفـاد الـ حُطـــام

part-13

بقــلمي || زهراء

#أحفاد_ الحُــــطام

" البــاࢪت الثــالث عشࢪ"

" بــسم ألله الرحــمن الرحـــيم "

( يِــــا عَـلــــيٌ )

~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.

نايمين تقريبا الساعه ب4 الفجر
وفزينه على صوت صريخ كلشش قوي
بحيث نريد نكوم تجمدنه بمكانه وحده تباوع على الثانيه
كامت ترف تريد تكوم وكعت بالكاع على وجها وصرخت بصوت !!

ترف - لللللاااااااااااااا مااااامااااا ..!!!

طفرت عليها اريد الزمها وهيه تصرخ
كومتها وطلعنه نركض نريد نعرف هاذا الصريخ المن وشكو!!

طلعنه من الغرفه سمعنه الصوت من غرفت امي
رحنه ركض للغرفه .
وكفنه بمكانه واحنه نباوع امي تاخذ جرع الكيمياوي
وتفرك بجسمها وتصرخ .!!

ركضت ترف تبجي وكعدت يم راسها وتفرك باديها واماما تصرخ وتلوج على الجربايه .

المنضر كدامي روحي طلعت واني اشوفها بهل شكل
شلون تتعذب
كعدت يمها وافرك بجسمها على كيفي ..

ترف تشهك وتبجي وكاعده يم راسه تبوس بيها
وامي تشيل روحها وتركعها على الجربايه من الوجع ..

احس اني الي اخذ الجرع مو هيه
ماتحمل اشوفها هيج .

اباوع ترف صفنت على الجرعه الي حاطيها باستخدام الكانونه
كومتني وكعدت شالته وسدت الكانونه وجابت مي بارد وخاولي .

وبللته وتسمح بركبت ماما وباديها
وتناشغ
هدئت ماما شويه ونامت ..

كعدت ترف يم رجليها تبجي بصوت ناصي
كومتها ورجعنه للغرفه وهيه تبجي .

ترف - سوده عليه عمت عيني عليها شفتي شصاير بيها !
رهف - حقها من تكول ماريد اتعذب ترف ماما مجانت رايده تتعارج بس همه لحو عليها ..

- اخخخخخ ولجج حاايره شسوي ما اخليها تاخذه تموت اخليهااا تاخذه تموت شسوي بس فهميني ولجج احس صريخها يوجع كلبي ..

جرتيها عليه اهدء بيها وكمت جبت علاجها انطيتها
وخليتها تنام بالكوه غفت .