احـــفـاد الـ حُطـــام

part-28

بقــلمي || زهراء

#أحفاد_ الحُــــطام

" البــاࢪت الثامن والعشࢪون "

" بــسم ألله الرحــمن الرحـــيم "

( يِــــا عَـلــــيٌ )

~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.

كاملها سراج جرها عليه وهيه فاقده لا أيد ولا رجل
كمنه كلنه
شالها سراج ومشه كدامنه
لحكانه
اخذها للمسشفى
اول ما طبينه اخذوها منه
ضلينه واكيفن كلنه باب الغرفه ..

طلعت الدكتوره كالت ضغطها صعد
حطولها براسيتول
وانطوها علاج شويه ونطلعها ..

كعدنه كلنه باب الغرفه لحد ما صحت
سندها سراج
رجعنه كبل للبيت واحدنه تكله بز يوكع
دخلنه للبيت وهيه مارضت تصعد فوك
طبت لغرفه يسر وماخلت احد يطب يمها ..

سراج - عوفوها براحتها عود بعدين شوفوها .
كالها وصعد لغرفته بسرعه .
طبو كلمن لغرفته يرتاح ..

صعدت للغرفه حايره وخايفه على ترف
من ماتت ماما يسر جان الكل بالكل وياها وماتركها لحد ماتعدلت نفسيتها
وهسه يسر مات
محد يكدر لترف غيره !

مرت أيام وترف منعزله انعزال تام عنه
حتى الأكل لوما تجبرها ما تاكله
والمدرسه تركت هاي السنه ..

واربعه وعشرين ساعه كاعده بالغرفه ماترضه تكوم
موت يسر هدمها
وهدمنه كلنه وياها ..

شكد يحاولون الولد يغيرون من مودها بس ابد
محمد رجع يلتحق بس نقلو
جان يداوم بالموصل
هسه نقلو لكركوك يعني احسن من قبل ..

"ترف "

نار تحرك بكلبي حرك
الفكرة "موت يسر" كلها ما متقبلتها
مامصدكه كل الي صار كله ما مصدكته واني ادري يسر ماميت !!

يسر جان مو بس ابن عمي
يسر اخوي وابوي وامي وصديقي
جان كلشي ألي .

دورت بعيوني على التلفون لكيته على الميز
شلت تشيرت يسر وياي وكمت جبته واجيت
فتحته ودورت بالفديوهات ,,

كلبي صرخ قبلي من شفت الفديو الي صورنا بالسياره !
يسر - " يا عباس ابو النوماس اجيت عليك حاجيني "
ترف - " اخذني وياك انه اترجاك وحدي لا تخليني "

اباوع للفديو جنه اني ويا نضحك ونصور بي
وهسه وينه ؟؟
يسر عافني بنص الطريق
نشرت الفديو على المواقع الي عندي
وكتبت جوا ..