بقــلمي || زهراء
#أحفاد_ الحُــــطام
" البــاࢪت التاسع عشࢪ "
" بــسم ألله الرحــمن الرحـــيم "
( يِــــا عَـلــــيٌ )
~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.
"ترف "
كاعده ادرس شيش بيش ماعرف شنطونه اليوم لان غبت
سمعت الباب ندكت !
وخرت الكتب وكمت فتحت الباب ..
ابتسمت من شفت ارشد .
ترف - هلاا وين جنت ؟
- هلا بيج .
وخرت عن الباب وفات جوه
ارشد - بالشغل بالكوه خلص من رهف لا طلعيلي انتِ هم !
- عابتلك مو زين ؟
- لا عمي خلف الله عليج .
- يلا تعال درسني !
- دولي عود بليل ادرسج هسه تعباان .
- تمام ،اممم محتاج شي ؟؟
- لا بس شو الوجوه مثكله شبيهم ؟
- يووووو صارت مشكله شكبرها !!
- ياستار خير ؟
- احمد ابن خال سراج مو خطبني ؟
فتح عينه بصدمه وصاح !
- احلفيي ؟
- وروح ابوي وامي .
- ايي وشصاار ؟
- ماعرف شصار بالضبط بس نزلت جانو يسر وسراج وجهم بي أثار ضرب وجدي يصيح ..
وساجر ومحمد وليث واكفين بالنص بين يسر وسراج
يمكن تعاركو .
- تحجين صدكك علموديش ؟
- والله ماعرف على شنو بالضبط لان جنت فوك .
- ترف عدى الشقه صدك لو رهمتيها من يمج ؟
- لا والله ماعرف شصاير
بس يمكن علمود سالفه او تلاغو يسر وسراج مافهمت بالضبط .
- اي وجدي شكال ؟
- ماكال شي بس اني كتله ماما مصارلها اشهر من ماتت اروح اني افكر بالزواج وكتله لا احمد ولا غيره مازوج اني .
- اي عاشت ايدج .
هزيت راسي ساكته وهوه كام طلع .
تنهدت وغمضت عيوني
كل عقلهم افكر بالزواج هسه واني لحد هسه ادعي تجيني امي بالمنام من كد مامشتاقتلها .
جنت كل جمعه وسبت اني يمها
وهسه صارلي ٤اشهر ماشايفتها ولا شامه عطرها .
جريت نفس احس خنكتني العبره
والغصه وكفت بلعومي
غمضت عيني وصار دموعي تنزل بهدوء ..
أنت تقرأ
احـــفـاد الـ حُطـــام
Romanceالكاتبه \ زهراء احفاد ال حطام \حقيقية.. هناك من جمع الاحفاد بهذا المنزل وجعل لكل منهم رواية وقصة حب ومن هم ابطالها ؟؟ (احفاد الحطام )
