احـــفـاد الـ حُطـــام

part-42

بقــلمي || زهراء

#أحفاد_ الحُــــطام

" البــاࢪت الثاني والأࢪبعون "

" بــسم ألله الرحــمن الرحـــيم "

( يِــــا عَـلــــيٌ )

~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.

فتحت عيوني بصدمه وباوعتلها
ترف - شنوو شنوو  ؟؟
سميحه - ياا شبيج يمه كلت شي غلط ؟؟
- عمه كل عقلج انتِ يعني اكيد تشاقين
لااا لااا والله تشااقين موو ؟؟
- لا يمه مو شقه انتِ صح بعدج صغيره  بس ابني جبير
يعني لشوكت اضل منتضره اني
وهوه يريد خلفه بس علمودج ميحجي
واني ادري بس احاجي يوافق لان هوه يريد بزره .

درت وجهي وضحكت بأستهزاء
- يريد بزره كلتي ؟؟ هوه لو يريد هوه يجي يكلي ما مستحي مني ولا خايف يجيي يوكف كداامي ويخلي عينه بعيني
ويكلي انيي اريد طفلل وانتِ متكدرين تجيبيلي
واريد ازوج
وكتها وروح امي وروح ابوي الي نار شوكهم ما طفت بكلبي
مو بس من اطيب يطلكون وعليي ثاانيه
تعرفين الثانيه هاي الثانيه ما اضل يمه وروح العزيزين الماشبعت منهم .

سميحه - ياا يمه تنعلي الشيطان وعلي علمودكم اني
وانتِ تدرين بنين فقيره وحبابه
وتسوي كلشي علمود تفرح الناس
ولو تدري بيكم هيه بس تخلف تعوفلكم الطفل وتطلك .

- عمه وليرحم والديج هاي السالفه سديها
اني مو عقيمه انيي مريضه واطيب وأجيب جاهل لسراج .
- وانيي اضل منتضره شوكت طيبين ؟؟
يمه اسمعي مني وافقي انتِ لان ادري بسراج ما يسوي شي انتِ ماراضيه عليه .

عفتها وكمت من يمها لان اذا اضل ما اضمن نفسي وياها
واحجي حجي اصغر من عمرها
وكفت بعيد عنها لمن اجو كعدو كلهم وبدو يطلعون
الأكل
كعدت بالأخير وحتى أكل ما أكلت وياهم
يسر - ترف تعالي تغدي .
- ماريد ، جدي رايحه ازور الأمام العباس علما تكملون واجي لهنا .
حُطام - روحي بعد جدج بس ديري بالج وأنتبهي لا تيهين وخلي تلفونج يمج حتى تدكين على احد .
- ميحتاج جدو بس تدلل .

عفتهم ورحت وحدي
دخلت للأمام العباس كلمره اجي
وياهم فرحانه والضحكه على وجهي
هلمره اجيت واحس ضهري مكسور
ماعرف شحجي وشسوي
الي اعرفه اني مخنوكه واحس بالوحده
مو علمود الطفل ولا علمود سراج ولا أي احد
بس الشعور نابع من جوه احس مخنوكه
زرت وصليت وضليت كاعده مرجعه راسي على الشباك
أتمنيت هسه أمي يمي
اريد انام بحضها اريد اشم من عطرها
كلت همزين خلصت المشاكل ورتاحيت وراح نعيش مرتاحين اني وسراج تالي ...