احـــفـاد الـ حُطـــام

part-12

بقــلمي || زهراء

#أحفاد_ الحُــــطام

" البــاࢪت الثــاني عشࢪ "

" بــسم ألله الرحــمن الرحـــيم "

( يِــــا عَـلــــيٌ )

~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.

فتحت عيوني بصدمه على كلام خالو متحت وجسمي كله صار يرجف !!

ختل توازني وكعت على ركبتي
ركضو كلهم عليه وسراج لزمني من متني يسندني ..

ضليت على صدمتي وكاعده الكلام ضاع مني همست بصوت يرجف
ترف - لا لا مابيها شي .!

رفعت راسي اباوع عليهم وصرت اصرخ
- مااااابيهااااااا شييييييييي جذاااابينن كلكمممم ككلللكمم جذاااابينننننن ..

دفعت سراج وصعدت اركض وهمه وراي
طبيت للغرفه جانت رهف تسولف وياها .

من شافنت غمضت عيونها بوجع وميلت راسها تاشر على رهف !

طبيت امشي على كيفي وماهتميت لنضرات رهف الي كلها اسأله ..

ترف - منشوكت ؟؟
رهف - شبيج ترف؟

- مااماا منشوكتتتتتتت وليششش محدد كااالنه ليششش ؟؟
طفرت رهف بخوف وكفت يمي ولزمتي ايدي ..

رهف - شبيججج تررف شكوووو ؟؟
ترف - ولجج ررررهفف ماامااا بيهااا سرطااااان مااماااا بيهااا سرططااااان ومحدددد كاال محدددد...

كلتها وكعدت على ركبي ابجي بصوت عالي روحي مفرفحه ورهف ضلت واكفه صافنه عليه ..

ثنت رجليها وكعدت كدامي توخر شعري عن وجهي وتحجي وايدها ترجف ..
رهف - بس على كيفج شكوو مو كلج ؟
- خالو متحتت .

كامت من يمي راحت يم امي تمسح بوجها وتحجي بصوت يرجف ..
رهف - ماما شبيهاا هاي كليلها مابيج شي شداتحجي هاي شبيهاا كومي كومي وياي ..

كالتها وصارت تعدل بشال ماما تريد تكومها وماما بس تبجي بهدوء وتباوع علينه ..

جرت الشال تريد تعدهل وجمدت بمكانها من شافت شعر ماما واكع !!!

رحتلها امشي على كيفي صافنه على راسها الي شعرها جان اسود بسواد اليل وطويل وهسه؟؟ هسه شنو !!
ماباقيه ولا شعرايه منه !

تقربت عليها امسح على راسها
ترف - ماما وين الحلو ماماتي حبيبتي وينه كصيتي ليش كصيتي مو ماتقبلين اكص شعري ليش كصيتي شعرج ؟؟