🧑⚕️Chapter 92
နံနက်ကိုးနာရီခန့် ကျီဟွား ဆေးရုံခွဲစိတ်ခန်း၏ အဝတ်လဲခန်းတွင် ကျန်းရွှိသည် အစိမ်းရောင် ခွဲခန်းဝတ်စုံဝတ်၍ အခန်းမှထွက်လာစဉ် ကပ်လျက်အခန်း၏တံခါးသည်လည်းပွင့်လာခဲ့သည်။
မက်မွန်ပွင့်ကဲ့သို့ မျက်လုံးများရှိသူသည်တံခါးကိုမှီ၍ရပ်နေကာ ကျန်းရွှိအား လက်ယပ်၍ခေါ်၏။
"ဒီကိုလာပါအုံး.."
ပျားရည်ဆမ်းအဆင့်ရှိသော ချစ်သူစုံတွဲများမှာ လက်မှုပညာရှင်၏လက်ထဲတွင် ရွှေအဆင်းနှင့်ပြည့်စုံစွာ အရည်ပျော်နေကြသောသကြားလုံးများ ကဲ့သို့ပင် မိနစ်တိုင်းအတူတကွပူးကပ်နေလိုကြသည်။
သို့သော်ပျားရည်ဆမ်းအဆင့်တွင်ချစ်သူများသည်လည်း အလုပ်လုပ်ကြရန်လိုအပ်သည်။ အထူးသဖြင့်သူတို့၏ကလေးနို့ဖိုးအတွက် ငွေရှာရန်လိုအပ်သည်ဟုမျှော်လင့်ထားသည့်ဖခင်နှစ်ဦးကဲ့သို့….။
သူတို့သည် အခြားသူများ၏ရှေ့မှောက်၌ အလွန်ရင်းနှီးမှုပြသ၍မရပေ။ ထို့ကြောင့်သူတို့ခမျာ သတိရှိရှိသာ ချစ်ခင်နိုင်ကြသည်။
ကျန်းရွှိ ခွဲစိတ်ခန်းသို့မဝင်မီ မည်သူတစ်ဦး တစ်ယောက်မျှမရှိကြောင်းသေချာစေရန်ပတ်ဝန်းကျင်ကို သေချာစစ်၍ လက်ပိုက်ကာမေးလိုက်သည်။
"ဘာလဲ.."
ရှန့်ဖန်းယွိ သည်ချောကလက်နှစ်ခုအား ကျန်းရွှိ၏ခွဲစိတ်ခန်းဝင် ဝတ်စုံမှ အိတ်ထဲသို့ထည့်ကာ
"ဒေါက်တာကျန်းကို လာဘ်ထိုးပြီး ကျန်းရွှိ ကိုမိနစ်ဝက်လောက်ငှါးချင်လို့.."
ကျန်းရွှိ သူ၏အိတ်ကပ်ထဲမှချောကလက်ကိုယူကာဖွင့်ဖောက်၍ တစ်ခုစားကြည့်သည်။ ကိုကိုးထောပတ်၏ပြီးပြည့်စုံ၍မွှေးကြိုင်သောရနံ့ကချောကလက်ထက်စေးပျစ်သောသူ၏ချစ်သူအကြည့်နှင့်ရောနှောနေကာ ကျဉ်းမြောင်းသောခွဲစိတ်ခန်း၏ အဝတ်လဲခန်းတွင် မီးပွါးများပင် အလွယ်တကူလောင်ကျွမ်းစေသည်။
မည်သူမျှစကားမပြောကြပေ။သို့သော် လေထုက ချိုအီလာသည်။
နောက်ဆုံးတွင် ကျန်းရွှိ သည်အခွံအားသူ၏အိတ်ကပ်ထဲသို့ထည့်ကာ ခွဲစိတ်ခန်း တံခါးလော့ခ်ဖွင့်ရန်လှည့်လိုက်၏။
![](https://img.wattpad.com/cover/342050296-288-k651959.jpg)
YOU ARE READING
[COMPLETED] Dr.ကျန်း (ဘာသာပြန်)
RomanceTranslation တစ်ပတ်သုံးပိုင်း update တင်ပေးပါမယ်နော် ဖတ်ပေးကြပါဦး ???????? All credit to Original Author and E translator. Thanks for reading ????