Akin Lamang Ang Pag-ibig Mo: TIERRA FUEGO TRILOGY 1)

CHAPTER 3: Gabriel, the boss!

ISANG buwan ang matuling lumipas mula nang mangyari sa buhay ni Almira, ang isang gabing insidente na pinipilit niya ng burahin sa kaniyang isipan. Pinipilit niya rin maging komportable muli sa tuwing kasama si Vladimir, dahil, mas pinili niyang ipadama rito ang tunay niyang nararamdaman. 

She act like she’s okay. She loved Vladimir, at hindi niya kakayaning iiwan siya nito.

Kakagising pa lamang niya ng bumukas ang pintuan ng kanyang kuwarto at iniluwa mula doon si Mylene, nakangiti ito at masiglang-masigla ang mukha ng tumitig sa kaniya.

Bahagya niyang kinusot-kusot ang kaniyang mga mata saka sumilay sa labi ang ngiting tipid. Sa kabila ng nangyari sa kanya ay hindi siya iniwan ni Mylene, sinamahan siya nito at pinapalakas ang kaniyang kalooban kahit sa mga araw na pasuko na siya. 

Mahina siya at ang kahinaan niya ay si Vladimir, mahal na mahal niya ito na kahit kinakain na siya ng kanyang konsensya ay nagawa niyang maglihim. Natatakot siya na baka iwan siya ni Vladimir, oras na malaman nito ang totoo. 

She's being selfish when it comes to Vladimir.

“Buti naman nagising ka na sleeping beauty! Haler! What time is it? Nakakahiya naman kung mauunang maghintay ang kliyente, diba?” pagtataray na sabi ni Mylene, bagay na ikinababa kaagad niya mula sa kanyang higaan at dali-daling tinungo ang banyo.

“Jusme! Bakit hindi mo 'ko ginising kaagad May? Owemji! Ayaw kong ma-late!” nababalisang aniya matapos niyang matandaan na may importante pa pala silang gagawin ngayong araw.

“Ayan na nga ba ang sinasabi ko sayong babae ka! Hala! Magmadali ka na. Sa labas na lang ako maghihintay sayo,” anas ni Mylene at natatawa siya nitong pinanood.

Tango na lamang ang tanging naitugon niya, at saka isinara ang banyo.

Naiiling si Mylene, at napapangiti na rin. Medyo bumuti na ang kalagayan ni Almira, kumpara noong nagdaang linggo bagay na ikinatuwa niya. Ayaw niya rin makitang ikulong ni Almira, ang sarili sa madilim na sulok.

PAGDATING sa studio ay dali-daling inayos ni Almira, ang kanyang sarili at may ngiti sa labi niyang hinarap ang kanyang kliyente. Kilala sa larangan ng Business Industry ang kompanyang kinabibilangan niya, ang kompanya ng Tierra Designing Corporation.

Sa edad na bente-otso ay tumayo siya sa kaniyang sariling mga paa. Walang pamilyang masasandalan dahil maagang naulila mula sa isang aksidenteng nangyari mahigit sampong taon na ang nakalilipas. Tanging ang Tiya Pacita niya ang kanyang kasama ngunit, bumalik naman ito sa probinsya. Kaya, nagsikap siya at ngayon ay paunti-unti nang makikilala ang kanyang kakayahan bilang isang Diploma in Fashion Design.

Patungo siya sa opisina ni Miss Choi, ang PR Manager. Bitbit niya ang kanyang portfolio at laman niyon ang kanyang mga sketches at design. Bahagya siyang nagpakawala ng malalim na buntonghininga nang mag-abang siya sa pagbukas ng Elavator. Ngunit, pagbukas niyon ay naroon sa loob sina Vladimir kasama ang dalawang ka-office mates nito. 

Malawak ang ngiting ibinigay sa kanya ni Vladimir, bagay na ikinakagat niya sa kaniyang ibabang labi at kinimkim ang kakaibang kilig. Lingid sa kaalaman ng lahat, magkasintahan silang dalawa at labas ang relasyon nila sa tuwing nasa trabaho.

Kinakabahan siyang humakbang papasok at pigil ang hininga niyang pumwesto sa unahan ng isang lalaki, bagay na ikinasiko ni Vladimir, sa lalaki. Nagpalit sila ng puwesto at nakita niya iyon nang lingunin niya ang mga ito. Tipid na ngiti ang ginawad sa kanya ni Vladimir, at naamoy niya ang manly scent perfume nito na noon ay gustong-gusto niyang amoy-amuyin. Ngunit, kabaliktaran ito ngayon. Tila hinalukay ang kaniyang sikmura at gusto ng masuka. Pakiramdam niya ay iikot na ang kanyang mundo.