Pov hor ..
گعدت الصبح على صوت المنبه و جانت اساور نايمه فعفته واخذت ملابس التدريب من الحبل اللي بالبلكونه مال غرفه وراه دخلت للحمام سبحت و فرشت اسناني ولبست ملابسي و خليت واقي شمس الوجهي و مشطت شعري بعده رحت گعدت اساور ، و ادور نزلنه المكان الاكل اتريگنه و بعده بدينه بالتدريب
بنص التدريب اخذت الطوبه اني و مررته الاساور و لمن مررت اجت وحده كسرتني و وگعتني بالگاع انلوت رجلي و معصم ايدي و خشمي انرگع بالگاع وگام ينزف
صوفرت المدربه بالصفاره و اجت عليه
ميس: صارلج شي خو ما تاذيتي ؟
حور: خشمي دينزف
ميس: ضيي !
صاحت واجت بنت لازمه جنطه اسعافات اوليه واجت على صوبي بسرعه وعالجتني و خلتني المدربه اگعد على الكراسي واباوع للبنات وهنه يتدربن
خلص التدريب بعده رحنه للسكن وگعدنه اني واساور نحجي سوه جانت كلش لطيفه وحبيته كلش ،
رحت نمت وراه گعدت سبحت بسرعه ولبست ملابسي ورحت للصيدليه
ريتال: لجج حوررر ليش متاخره اليوم
حور: ااءءء
ما عرفت شسوي ف گبل گعدت بالگاع ولزمت رجلي وسويت نفسي ابجي وگمت اصيح رجلي
ريتال:يا يا يا عزههه فضحتينا يامعوده بعد منو اليشتري مني
گعدنه انسولف شويه وراه اجه اتصال الريتال من هذه اللي يوصل البضائع وطلعت وخلتني وحدي ، ضليت گاعده واگلب بالتليفون لحد ما اجه زبون
: هلا يحلو
حور: وعليكم السلام تفضل رايد شي
: رايدك ياحلو
تنرفزت كلشش عيععع هو اني اكره الولد ادور يجي هذه المايع يتحرش وعاد شلون ايمطي بحلگه لعبت نفسي
حور: عدنه انواع المرهمات وانواع الادويه و زيوت مال شعر و جسم انواع وكلشي تريد موجود
: يا معوده شلزگتي گتلج رايدج الج
گال ومد ايده على خصري گبل صار وجهي اصفر وخرت ايده ورجعت لوره بسرعه و جهي صار اصفر وگتله بصوت عالي
حور: رجاءا اذا ما محتاج شي اطلع بره
اول ما خلصت كلام اجه واحد ورگعه كله بوجه ونيمه على الگاع وگام يضرب بي ضليت واگفه بمكاني مو فهاوه بس ردته شويه يشبع كتل بلكي يتأدب
وراه بشويه ركضت عليهم و وخرت الرجال
حور: كافي عوفه !
صيحت عليه و وخرته جان حاجبه الايمن يجري دم ومن شفته هم بسبب انو هذه المايع هم رگعه كم بوكس ما جان لابس اي شي يغطي وجهه ف عرفته بسهوله
طلع ذاك المايع وهذه اجه لزمني من ايدي وگام يصيح عليه بالانگليزي واني بس اباوعله شبي هذه تخبل
حور: عوف ايدي تره عيب عليك
: استغفرالله هاج ايدج واصلا من البدايه اني ما جان لازم اتدخل
حور: عود اجيت اشكرك بس ما تستاهل
: اي هو اني ما استاهل هو غير لو مو اني جان الله اعلم شنو يسوي بيج ذاك
حور: اگعد على هذه الكرسي خلي اضمدلك الجروح
: لا شكرا ما اريد هسه اضمدهن النفسي بالبيت
حور: لا ما يصير انت ساعدتني خليني اضمدلك اياهن ك شكر الك على اللي سويته
ابتسم وگلي
: صراحتا ما توقعت هذه الكلام
گعد على الكرسي و ابتسمت له اني هم وجبت مرهم مال جروح و ضمدتله الجروح
حور: انت مو لاعب منتخب شعجب ما عدكم تدريب هجي وقت
: لا عدنه بس جنت راجع للبيت على مود شغله وصار اللي صار
حور: اها
: احم اسف لان صيحت عليج البارحه و ذاك اليوم هم
حور: ااا لا عادي اصلا لو مو انت جان هسه اني ميته بس الثانيه عليمن؟
: الثانيه لمن تعاركنه اني والولد واجيتي انت شكرا الج لو مو انت جان يمكن سويت شي بالولد بس تره هو اللي استفزني
حور: لا عادي اهم شي انو احنه هسه متعادلين
: هههه اي صح
حور: خلصت تگدر تروح هسه اسفه لان اخرتك على تدريبك
: لا عادي ما كو مشكله
