Pov zidane...
مثل كل مره گعدت على صوت منبه التليفون ، گبل طفيته و گمت للحمام
طلعت منه خليت مرطب الشعري و عطر و بدلت ملابسي و مشطت و نزلت لگيت امي تسوي بالريوگ و داود يمها ياكل بخياره
داود: ها ابو الزوز
حجاها و غمز بالاخير
ايات: انت منين متعلم سوالف السرسريه هاي
داود: من زيدان
زيدان: اكل تبن و زيدان هلگد فارغ يگعد يعلم بيك سوالف طايحظها مثلك
باوعلي من فوگ لجوه و هز ايده ما عاجبه و طلع من المطبخ
تقربت يم امي و حجيت
زيدان: ماما قررت و حاجيت البنت
ايات: و شگالت؟
زيدان: وافقت
ايات : تمام لعد اليوم بالليل اشوف ابوك بس كون تنطيني رقم امها لو ابوها حتى نحاجيهم
زيدان: شتحاجيهم امي واضح ما يقبلون خلينا نروح اندگ بابهم و نحجي وياهم وجه بوجه بلكي يوافقون
ايات: يعني انت تعرفهم ما يوافقون
زيدان: اي اعرفهم و لهذا السبب اريد نروح ندگ بابهم و نطلبها منهم حتى بلكي يستحون يرفضون
ايات: والله مادري شسوي هسه ام البنت شنو رايها هم گلتلك
زيدان: گلتلج امها رافضه و سوه هجي حتى يقهرها و يخلي بنته يمه
ايات: عندك رقمها؟
زيدان: رقم منو؟
ايات: ام البنيه
زيدان: لا بس عندي رقم البنيه
ايات: تمام لعد انطيني اياه احجيها
هزيت رأسي بمعنى - اي - و انطيتها الرقم مال حور
اكلت وياهم و طلعت
.
.
وصلت و لگيتهم دا يدربون البنات على المراوغه و جانت هي مو وياهن
انداريت لگيتها گاعده على المدرجات و تباوع عليهم
جنت متعود اشوفها دائما تتدرب بقوة بحيث جنت احسها بس هي تتدرب
ردت اروح يمهم بس غيرت رأيي گبل درت وجهي و رحت للجم ضليت تقريباً ساعتين هناك بعدها طلعت متوجه للتدريب
Pov hor...
اساور : حور مشتاقه ترجعين تتدربين ويانه شوكت تطيب رجلج؟
حور: والله حتى اني مشتاقه ارجع للتدريب يمكن السبوع الجاي تصير زينه لو بعد اسبوعين
