Pov zidane...
تنفست بقوه و حجيت
زيدان: لا حبابه ماما لا شوفي غير حل
ايات: زيدان! متأكد انو انت مجرد بس تريد تساعدها ؟
زيدان: اي قابل شنو
ايات: بس اني اشوف شي مختلف تماماً
زيدان: مثل شنو؟
ايات: ممكن يكون اكو بداخلك مشاعر تجاهها
هزيت راسي بمعنى - لا - حيل انكر
زيدان: لا لا ماما مستحيل اكو هجي شي
ايات: زيدان!
زيدان: ها
ايات: اذا جنت هلگد مُصر بمساعدتها فماكو غير حل واحد
زيدان: شنو هو؟
ايات: تعقد عليها!
ضليت صافن شويه عليها بعدها درت وجهي و تنهدت بقوه احس جبل على گلبي
وبعد حتى ما اعرف افكر
رفعت ايدها امي و طبطبت على كتفي
ايات: فكر زين بجوابك و شوكت ما تقرر شي اني موجوده
هزيت راسي بمعنى - اي - بأبتسامه
گامت امي طفت الضوه و طلعت و سدت الباب
نمت على الجربايه مخلي ايدي جوه راسي و افكر شنو اسوي و اي قرار اتخذ
نمت بدون ما احس و گعدت الصبح على صوت اهلي جوه
گمت دخلت للحمام سبحت و فرچت و طلعت لاف المنشفه على خصري و افرك بشعري من المي ، وگفت گدام المرايه و اخذت مرطب شعر خليت شويه بأيدي و فركتها و خليت الشعري و مشطته وره ما خلصت شلت عطري المفضل و رشيت على جسمي و رگبتي بعدها رحت بدلت و رجعت رشيت عطر و نزلت يم اهلي
تريگنا سوه و سولفنا شويه و بعدها طلعت متوجه للنادي مال تدريب البنات
وگفت اباوعلهم ايمن و الولد واگفين على صفحه و المدربه على صفحه ثانيه و البنات يتدربن
ضليت ادور بعيوني عليها لحد ما لگيتها گاعده على المدرجات و تباوع للبنات و هنَ يتدربن ابتسمت ابتسامه خفيفه و تقدمت وگفت يم حسين علي اللي جان واگف يم ميمي
، عبرت ايدي على كتفه وحجيت
زيدان: هلو حسوني
حسين: ها زيزو شو اليوم متأخر؟
زيدان: اي والله نسيت اوقت التليفون و اهلي ما گعدوني
حسين: اممم
