Pov hor...
گعدتني اساور من النوم تصيح "راح نتأخر"
گمت سبحت و فرجت و لبست ملابس التدريب و رحنه اكلنا وراها المكان التدريب
واگفات احنه المتدربات و واگفين الولد گدامنا و ايمن يشرحلنا شلون نلعب
اجت عيني على زيدان اللي جان يباوعلي بتركيز
مدري ليش گلبي دگ بسرعه و ارتبكت
ندسه يوسف من خصره و حجه بأذنه گبل ضحك و رگعه علابي
سوينا احماء و دخلنا نلعب
جانت الطوبه عند طيبه رادت تشوتها الوحده من شلتها اسمها ياسمين و خذيتها اني و ركضت اريد اهدف صارن ثنين گدامي گبل شتتها الوحده ثانيه و تقدمت صرت گدام مرمى الفريق اللي ضدنا اللي نگول بي احنه و انطتني وحده من الفريق ويانا اسمها جنات اخذت الطوبه و ردت اهدف ما احس اله نشاليت و انرگعت و انصابيت برجلي من قوه الضربه
صوفر ايمن و اجو كلهم ركضوا عليه
ايمن: صدك جذبب ليش هجي اذا صار بيها شي بمسؤليتنا
طيبه: اسفه ما جنت اريد آذيها بس ردت اخذ الطوبه
اجه ايمن عليه يحجي وياي و الطبيبة تفحص برجلي
ايمن: خويه حوراء اتأذيتي خوب مو كلش رجلج
هزيت راسي بمعنى - لا- و الغصه خانگتني اريد ابجي
سوت لطبيبة رجلي و گلي ايمن اطلع لان ما اگدر اركض على رجلي فطلعت بره بالحديقه الوره النادي و ضليت افكر اسوي كلشي اله اصير خطيبة او زوجة هذه ابن عمي
حسيت شخص گعد يمي درت وجهي اشوفه
زيدان: شلونها رجلج؟
حور: امم زينه
زيدان: احم اگدر اسئلج سؤال بس ما تحسبي تدخل و اذا تردين عادي مو اله تجاوبين
حور: اي عادي اسئل
زيدان: مدري بس احسج ضايجه اليوم و عيونج منفوخه مبين باجيه طبعاً اسف اذا تدخلت بشي ما يخصني
حور: لا عادي لا تعتذر بالنسبه السؤالك ففَ
گلت افكر بشنو اجاوبه
زيدان: احسبيني كصديق او اخ تثقين بي و احجيلي اللي مضوجج بلكي اگدر اساعدج
مادري بس جنت محتاجه احد يگلي هجي گبل نزلن دموعي و حجيتله كلشي
زيدان: اوعدج انو راح احاول اشوفلج حل
هزيت راسي بمعنى - اي -
حور: راح اروح محتاج شي؟
زيدان: لا سلامتج
ابتسمتله و رحت للسكن
سبحت و فرچت و نمت لان جان راسي يوجعني و عندي دوخه كلش قويه
Pov zidane...
رحت للبيت و اني افكر بسالفه حور الطريق كله و اگول بداخلي
"مستحيل اخليها تصير اله " ساعه اگول ليش اني هلگد مهتم الامرها و ليش كل هل توتر و العصبيه كلما يجي اببالي انو هي راح تصير الشخص
