Pov hor...
بعد اسبوعين ...
گعدت الصبح على صفارة ميس بعد يوم ممل
ميس: يله گعدي
حور: گعدت
طلعت ميس وگمت اني كَل عاده سبحت وفرشت سنوني وخليت الوجهي مرطب و واقي شمس و مسكاره شفافه و گلوس بي لون خفيف ولبست ملابس التدريب
بدينه التدريب وجان لعبنه كلش حلو
صوفرت ميس بصفارته دليل على انتهاء التدريب
ميس : بنات مثل ما تعرفن الاحد أي بعد اربعه ايام راح تبدي البطوله مالتنه ضد نادي*** للبنات و راح يكون بعض من لاعبين المنتخب موجودين يعني مو كلهم بس كم واحد اريد تكونن جاهزات وترفعن راسي و راس نادينا ما اوصيجن بعد بنات اوكي
البنات: تمام
خلصنه ورحنه تغدينا وبعدها كل وحده راحت السكنه
طلعت اني من الحمام انشف بشعري و اساور جانت تمشط بشعره وتنشفه بالشسوار
حور: احم اساور تگدرين تحجيلي على هاي البطوله اللي راح تصير الاحد ؟
اساور: شوفي هاي البطوله يسووه كل سنه ، انروح احنه الملعب ويكونن متدربات من نادي غير مالتنه يلعبن ضدنه راح يكون كم واحد من المنتخب موجودين الفريق اللي يفوز ينطو كاس ويصورون وياه وكذا وبعده يختارون كم متدربه حتى ياخذوه تتدرب عند المنتخب فتره و ترجع من الناديين يعني من النادي مالتنه و من النادي ذاك بس كون يكونن مشاركات بالبطوله و يكون لعبهن حلو فهمتي؟..
حور: اها فهمت شكرا
اساور: العفوا حب
گمت لفراشي وضليت افكر بالبطوله واذا زيدان راح يجي او لا وبعده نمت
...pov Retal
قبل شويه وصلتني بضاعه جديده للصيدليه كله خبطات و ادويه ومرهمات وصابون وهواي اشياء ، المهم خلالي اياهن المندوب بالگاع وراح جانن نص علاليگ ونص كراتين واني گعدت انگل بيهن لجوه جنت شايله وحده من الكراتين فجأة جان اكو واحد جاي يريد يدخل للصيدليه ف اللطخت بي و وگعت الكارتونه واني هم اجيت اوگع بس هو لزم ايدي ، باوعتله بنضرات كله حقد و غضب
: اعتذر كلش والله مو قصدي
ريتال: عادي ما صار شي
: بس نضراتج تگول غير شي
ريتال: مو مهم
: احم المهم اسف ع الكارتونه الوگعت من وراي
ريتال: عادي ما صار شي هسه ادخلهَ لجوه
:لا هسه اني ادخله
ما انطاني مجال احجي گبل لزم علاگتين بالايد اليمين و كارتونه باليسار و دخلهن لجوه واني هم دخلت كارتونه لجوه ضلينه ننگل بيهن حد ما خلصن
ريتال: شكرا
: لا عادي ما صار شي حتى تشكريني
ريتال: اسفه اكيد عندك تدريب و اخرتك عنه
گلت هجي لان هو احد لواعيب المنتخب واكيد عدهم تدريب هجي وقت
: لا اليوم ما عدنه تدريب
ريتال: اهاا المهم اول ما اجيت شفتك تريد تدخل محتاج شي ؟
: امم اريد خوش دهن اعصاب عندج
ريتال: اي عندي نوعيتين هذا واحد و هذه واحد انت شتختار
: بله انطيني هذه الثاني
خذاه قره الاسم وهاي وبعده گال
: تدرين هذه من زمان جنت استعمله كلش خوش نوعيه بس لمن خلص بعد ما عرفت وين الگاه وهم ما جنت اعرف اسمه ونوعيته حافظ بس شكل الغلاف ،شگد سعره ؟
ريتال: امم الك اببلاش لان ساعدتني
: لا والله ما يصير گولي شگد سعره
ريتال: بدون سعر
: شلون يعني بدون سعر اني اول ما اخذته جان سعره 12 الف
ريتال: امم الك 6 الاف
: هو شگد سعره ؟
ريتال: 9 الاف ونص
: لعد هاج
ريتال : لا ما يصير والله انت ساعدتني وتعبت
: بابا وگعت الكارتونه من وراي و يمكن حتى تكسرن منه غراض وهم اني دخلتلج اياهن ك تعبير عن اعتذاري لا اكثر
خله الفلوس على الميز واخذتهن بتردد لان صراحتاً ما ردت اخذهن لان اكيد تعب لمن دخلهن ، راح هو واني گعدت ارتب بالغراض
Pov hor..
گعدت بالليل وجنت الساعه تقريبا 10:4 گمت من الچربايه رحت لبست ملابس التدريب ورحت للساحه مال تدريب مثل ما طلبت مني ميس
ميس: هلا
حور: هلا بيج
ميس: خلي غراضج وابدي بالركض
حور: تمام
خليت غراضي على الكراسي ومشيت النص الساحه وضليت اركض لمدة ساعه ونص تقريبا
هلاااااععععع مشتاقين يابه شلونكم شخباركم ادري تاخرت والبارت زربه بس والله تعرفون الامتحانات قربت و د اقره بس ان شاء الله بس تخلص الامتحانات اترسكم بارتات وتخيلات تشك
بايي💋✨
