ام حور: لج حوري گعدي الساعه بالاربعه راح تتأخرين على الصيدليه
حور: اهو هسه گايمه
ام حور: يله بسرعه وخذي وياج كيكه سويت الريتال
حور: تمام
گامت من الجربايه وبدلت ملابسه البنطلون كلاس رصاصي و تيشيرت اسود وفوگهن ستره سوده وراحت للصيدليه
حور: عااا ريتاليي
ريتال: عاا حورييي
حور: هاج المذر مالتي سوت كيك وعزلتلج
ريتال:اويلي بوسيلي اياه لمن ترحين
حور: تدللين عيوني
ريتال:يله نزعي سترتج و لبسي الروب
حور: تدللين عيوني
گالت ونزعت الستره ولبست بداله الروب الابيض مال الصيدليه
ريتال: حور راح اروح للسوبر ماركت اجيب غراض واجي لا تطلعين من الصيدليه
حور: تمام جيبيلي وياج كبتشينو
ريتال: صار عيوني
راحت ريتال للسوبر ماركت و وره ما راحت بشويه دخل واحد للصيدليه
: مرحبا
حست حور انو سامعه صوته بمكان
حور: اهلا تفضل
: ممكن مرهم جروح
گال وحول نضره من الادويه والمرهمات اللي وره حور الحور
حور: تمام بس هسه ثواني
گالت و جابت مرهم جروح وخلته بعلاگه ، انطته العلاگه وتباوعت الوجه
حور: هه هذه انت
: اي هذه اني
حور: السعر 7 الاف ( ما اعرف سعره ف خليته سبع الاف )
: اتفضلي
خله الفلوس على الميز وراح
حور: باع الگبر حتى ما اعتذر
ريتال : منو ؟وليش؟
حور: ...
سولفتله اللي صار وگعدن يسولفن الى ان انتهى وقت الشغل ورجعت حور للبيت و قررت اتصارح اهله بالموضوع
گعدت على القنفه و جانوا اهلها كلهم گاعدين
حور: احم
ام حور: شكو شتردين؟
حور: عندي موضوع وياكم بس خلي نتفاهم بدون عصبيه و صياح وكذا
ابو حور: شنو الموضوع؟
حور: اليوم الظهر لمن نمتوا رحت اني للنادي وگالو قبلناج واليوم كون اودي غراضي للسكن واسكن هناك وباجر نبدي بالتدريب
خلصت كلامها وما تحس الى اجه راجدي على وجهه فره فره ،
خلت ايده على خده وتباوعت الامها
حور: ليش؟
ام حور: احسن حتى تتادبين هاي مو تربايتنه الج محد منه انطاج الاذن حتى ترحين تقدمين من وحدج و عارضناج و مع ذلك كسرتي كلمتنه و سويتي اللي تريدي
حور: بنفسج گلتيه سويت اللي اريده و ما غلطت اني مو مخلوقه حتى اسوي اللي تردو و بس اني هم انسانه وعندي طموح اريد احققه حالي حال البقيه الحياة مره وحده على الاقل خلوني اعيشه
خلصت كلامه واجاه كف ثاني من امه
ام حور: حلوو. يعني هم تصيحين و هم تردين الكلمه بعشره
ابو حور: اخذي غراضج وطلعي بره بعد لا انت بنتي ولا اني ابوج و ما اعترف بيج اليوم الدين انت اللي اختاريتي تعارضين قرارنه وتلعبين من كيفج ولازم تتحملين نتيجه اختيارج يله اخذي غراضج وطلعي من البيت
حور: وانتوا هم اتاكدو و خلوا اببالكم هذه البيت ماراح ادخله اليوم الدين
اجه راجدي ثالث من ابوه
صعدت الغرفته ، خلت جنطه السفر وحطت كل اغراضه و ملابسه وطلعت من البيت
