Pov hor...
بعد شهرين..
رجعت للبيت و استقبلني صوت امي وابوي يتعاركون
- طبعا بهل فتره اهلي انتقلوا البيت جديد و عمامي و بيبيتي صالحونه اني واهلي وقنعوهم ع النادي والحمدالله رضوا وخلوني بالنادي -
حور: خير يا طير شكو شصاير
علي: امي رادت تروح للبصره لان جدو تعبان و ابوج تعرفي گب بالاصايح
ابو حور: اني كم مره گايلج لو اني لو اهلج ما تدخلين للبصره الى وانتِ مطلقه
ام حور: حرام عليك اتقي الله مو عندك بنات باجر عگبه كلشي ينگلب عليك
ابو حور: والله لو اني مثل اهلج مو خوش ادمي يطبني مرض و بعدين حرام عليه مو عليج
ام حور: لا تحجي على اهلي كلشي ما مسويلك ، كافي كافي مو تعبت والله صار كم سنه ما شايفتهم ولا واصله للبصره ولا هاي حرام عليك والله حرام ابوي مريض خليني اشوفه حتى لو بس خمس دقائق قابله
ابو حور: ما ترحين تردين اطلگج و روحي يطبج الف مرض خلي يكتلج الضيم يم اهلج
ام حور: خلي اطلگ اني يطبني مرض بس الجهال انت شتريد اتسويلهم تجيبلهم مره ابو لا تخاف الله ولا تعرف الحلال من الحرام و تضلمهم لو شنو هاا لو شنوو
ابو حور: والله عاد مره ابو احسن منج
ام حور: لا مو احسن
ابو حور: احسن ونصص
ام حور: كافي گوله گوله وريحني طلقني خلي ارتاح منك و من المشاكلل خلي اخلصص
ابو حور: انت طالق طالق طالق
ام حور: والله لو ادري هاي نهايتنه ما جان قبلت اخذك ، أنتوا امشوا جهزوا غراضكم
گالته وصعدت و خواتي صعدن وراه
اجيت اصعد و وگفني
ابو حور: وين رايحه انت ؟
حور: وي امي
ابو حور: ماكو ما ترحين لا انت ولا علي
علي: اعتذر يابه بس مثل ما انت ابونه والك حق علينه وامي هم حاله من حالك اله حق علينه
ابو حور: شنو هل حجي لكك انت رجال و الرجال لازم يضل يم ابو مو يروح وي النسوان فهمت لو لا
علي: لا يابه ماكو هجي شي انت وامي نفس المعزه احبك مثل ما احب امي واحب امي مثل ما احبك فما اگدر اعوفكم اثنينكم و هم اني عندي بطولات بالبصره وانت تعرف فما اگدر اضل هنا
