الخداع

الفــصــل 6

♧ الخِداع ♧

الجليد لي كان مغطي به مشاعره ضاع فلحظة وحدة .. حتى سيطرته على نفسه تلاشات فرمشة عين ..
الإستنكار المرسوم ف مقلتيه تحول لدهشة وذهول ف آن واحد .. !
ضغط على الكأس لي فيديه بقوة حتى ضروه مفاصيله ... أطرافه تخدرو بالكامل بسبب تصرفها .. تنفسه كيجاهد باش يطلع من صدره .. 
اذا تعمدات تغريه نجحات بالكامل ..!
أكثر من نصف ساعة باش مشات وهو باقي مذهول ف مكانه ..  كيحدق غير فطيفها لي اختفي من أمامه .. وصورتها الساحرة لكل حواسه كتعاود تترسم ف مخيلته ..
كل خلية فيه كتمزق شوقاً ولهفة ..

أما هي كل مرة كانت كتطل عليه من الشرفة وترجع تتخبى وتهدي نبضها الصاخب .. كتشوفه باقي جالس فمكانه لتحت ..
تصرفها الطائش كان رد على بروده واستفزازه .. ! نظرة الصدمة والشغف لي رمقاتها فسوداويتيه أنعشت داخلها كأنثى بشدة ..

نشفات شعرها ...بدلات ثيابها .. ونعسات ف مكانها كتحدق ف السقف بشرود ونفس الضحكة المتشفية على شفاهها ..
بدا النعاس يغلبها عاد سمعات الباب تفتح وعاود تشد بقوة ..
ريحته سابقاه فحال كل تصرفاته .. وصلات لأنفها هي اللولة ..
تنفسها تسارع .. قلبها مرة حساتو كيضرب ف راسها مرة فكرشها .. غرزات أظافرها ف الفراش باش ماتفضحش توترها ..

صلاح:~ دايرا راسك ناعسة ؟
صوته الخشن نفذ لداخلها خلاها ترجف أكثر  ..
يديه القاسيتين كيقيسو فوجنتيها بقوة خلاوها تفتح عينيها مذعورة ومرعوبة من الطاقة العنيفة لي كتفوح منه ..
قطرات الماء كيطيحو عليها بان لها شعره مبتل .. وجذعه عاري بدون قميص ..
همس بخفوت :
صلاح:~ ملي ديري راسك ناعسة هاد المرة ماتبقايش تتنفسي بالجهد باش ماتعيقيش.. (زاد قاس خدها وضغط عليه ) زعما شادة عليك الباب .. ؟
حطات يديها على قلبها .. وحواسها تحفزو لهجومه ..
أسبلت أهدابها وهمسات بتساؤل :
مينة:~ ك .. ك .. كيفاش حتى فتحيته ؟
ابتسم بتهكم .. وأتبعها بغمزة ماكرة :
صلاح:~ ماشي شي حاجة لي صعيبة .. شنو دابا ؟
هاد السؤال حفظاته كل ما خرج من حلقه كيتبع ردة فعل جامحة من عنده ...
يالاه جات تتكلم كان قطع صوتها ..
وتنفسه الأهوج كيكتم شهقتها وتنفسها بالكامل .. مثل شي إعصار مدمر ..!
خلاها ماعارفة واش تغمض عينيها ولا تفتحهم .. ولا تعيش هاد المشاعر الجامحة لي كيقدمها له فكل مرة كيقرب منها وياخذها فحضنه ..
غاب العقل... وغاب المنطق .. !
ذكرياتها كيزيدو يتراكمو دفعة وحدة .. كتفكر كل مرة كان كيسافر ولا كيغيب عليها نفس المشاعر ونفس ردود الأفعال كينفذهم ف رجوعها .. كيذوبها فحضنه حتى كتنسى غيابه  ..
غمضات عينيها أكثر .. كتغيب ف أنفاسه الرجولية .. صدره الحار فحال شي مضخة تحت كفها كيقصف بالجهد ..

وذنيها تجاهلو النداء فحال اذا كاينة فشي بئر غارق ماكتسمع والو .. زاد البكا كيجهاد حساته كيبعد عليها ..
نطقات بلهاث ..
مينة:~ ج .. ج.. جمانة ..
قفزات مذعورة من الفراش ..
شافته باقي مزير على قبضته وعينيه ..
عض على فمه بنفاذ صبر .. والدخان كيخرج من فمه مصحوب بكلامه ..
صلاح:~ باقي ماسالينا ..