" ဒါဆို ဖေဖေသမီးကိုဒဲ့ပဲမေးမယ် .. သမီးချစ်သူက ပန်းခက်ဝါလား "
" ရှင် "
ထိုသို့မေးလာသည့် ဖေဖေကြောင့်ခဏတာ တိတ်ဆနလိုက်သည် ။ ရင်ခုန်တာ မြန်ဆန်လာပြီး ကြောက်နေမိသည် ။
" ဖေဖေ .. အကယ်၍ဟုတ်တယ်ဆိုရင် ဖေဖေဘယ်လိုလုပ်မလဲ "
ဖေဖေကအနားသို့တိုးလာပြီး အကြင်နာ၏ပုခုံးကို ကိုင်ကာ ပြုံးပြလေသည် ။
" ဖေဖေကဘယ်လိုလုပ်ရမှာလဲကွ .. ငါ့သမီးချစ်သူပဲ လက်ခံပေးရမှာပေါ့ "
ဖေဖေပြောသည့်စကားကြောင့် မယုံနိုင်တွေဖြစ်နေသည် ။ မျက်လုံးထဲမျက်ရည်များပြည့်နှက်လာသည် ။
" ဖေဖေ တ .. တကယ်ပြောတာလား "
" ဒါပေါ့ "
နောက်ဆုံး အကြင်နာဖေဖေ့ကိုပြေးဖက်မိပါသည် ။ အပျော်လွန်၍ မျက်ရည်များပင် ကျလာခဲ့သည် ။ ရင်ထဲက အလုံးတစ်ခုကျသွားသလိုဖြစ်ပြီး ဖေဖေလက်ခံတာကြောင့် အနဲငယ်ပေါ့ပါးသွားရသည် ။
***
ဒီရက်ပိုင်း ဖေဖေ့အလုပ်ကိစ္စများတက်နိုင်သလောက်ကူညီသင်ယူနေ၍ အလုပ်မအားကာ တီချယ့်ဆီမသွားဖြစ်ခဲ့ ။ ဒီနေ့တော့ အလုပ်စောစောပြီးသဖြင့် မတွေ့ရတာကြာပြီ ဖြစ်သောတီချယ့်ဆီသွားဖို့လုပ်သည် ။
" ဖေဖေ သမီးပြန်နှင့်ပြီနော် "
အရင်ဆုံး ဖေဖေ့ရုံးခန်းအရင်သွား၍ ပြန်ဖို့အကြောင်းပြောရသည် ။ ဖေဖေကခေါင်းငြိမ့်ပြ၍ အကြင်နာ့ကို မှာသည် ။
" ကားကိုလဲ ဂရုစိုက်မောင်းသွားဦး "
ဟုတ်ကဲ့ဟုအကြင်နာပြော၍ ဖေဖေ့ကုမ္ပဏီက ခပ်သွက်သွက်ထွက်လာလိုက်သည် ။ ၁၅မိနစ်လောက်မောင်းလာပြီးနောက် တီချယ့်အိမ်သို့ရောက်ရှိလာသည် ။ ဘဲလ်ကိုတီးလိုက်ပြီးနောက် တီထျယ်ထွက်အလာကို စောင့်နေလိုက်သည် ။
တော်ရုံနှင့်ထွက်မလာတာကြောင့် တီချယ်အိမ်တွင်မရှိဘူးဆိုတာ သဘောပေါက်သွားသည် ။ အိတ်ကပ်ထဲက ဖုန်းကိုထုတ်လိုက်ပြီးနောက် တီချယ့်ကို ဖုန်းခေါ်လိုက်သည် ။ တစ်ဖက်က ဟယ်လိုဆိုသည့်အသံကြားတာနှင့် ..
YOU ARE READING
ချစ်မိသွားချိန်၌
Non-Fictionသူငယ်ချင်းသဘောကျမိနေသော ဆရာမကိုအား ချစ်မိသွားချိန်၌။ အကြင်နာခွန်း × ပန်းခက်ဝါ