​မြေပြင်ကျယ်သ​ရွေ့​ကောင်းကင်တည်​သော်

Part 5

ပထဝီက စကိုင်းလ်ကို ဖြစ်ခဲ့သမျှအားလုံးပြောပြလိုက်သည်...

ပထဝီငယ်ငယ်တုန်းကတော့ အိမ်နီးနားချင်းကလေးတွေနဲ့ ဆော့ဖော်ဆော့ဖက်လောက်တော့ ရှိခဲ့ဖူး သည်..ပထဝီ နည်းနည်းလေးကြီးလာတဲ့အချိန်ကြ သူ့အမေနဲ့အတူ ရုန်းကန်ရင်း ဘဝကိုဖြတ်သန်းခဲ့ရ သည်မို့ သူငယ်ချင်းအပေါင်းအသင်းဆိုတာမရှိခဲ့..ပထဝီ့မှာ ဆော့ချိန် အချိန်ဖြုန်းဖို့လည်း မရှိခဲ့တာမို့ မည်သူနဲ့မျှ နက်ရှိုင်းတဲ့ဆက်ဆံရေးဆိုတာမရှိခဲ့..ပထဝီ အထက်တန်းလောက်ရောက်တော့ မိသားစု စားဝတ်နေရေးကနည်းနည်းအဆင်ပြေလာသည်...ပထဝီတို့သားအမိကို နေရေး စားရေး အဆင်ပြေ အောင် သေချာတဲ့အလုပ်တစ်နေရာပေးခဲ့တဲ့သူပေါ်လာတာမို့...

ပထဝီတို့နေတဲ့အနီးတဝိုက်ကို လင်မယားနှစ်ယောက် အမျိုးသားကအလုပ်ကိစ္စကြောင့် ခဏပြောင်း လာရင်း ပထဝီ့အမေနဲ့ ရင်းနှီးသွားကြတယ်... ပထဝီ့ကို မောင်လေးတစ်ယောက်လို သဘောထားပြီး အမေနဲ့လည်း သားအမိတွေလိုနေခဲ့ကြတယ်...ပထဝီ့အမေကို အိမ်မှာအလုပ်တစ်နေရာပေးထားပြီး ပထဝီ့ကိုလည်း အလုပ်မလုပ်ဘဲ ကျောင်းဆက်တက်စေတယ်..အဲ့ဒီအမျိုးသမီးမှာ မိသားစုရှိပေမယ့် စိတ်မကောင်းစွာနဲ့ သူ့ညီမလေး ဘွဲ့ယူတဲ့နေ့မှာ တစ်မိသားစုလုံး အက်ဆီးဒန့်နဲ့ဆုံးသွားကြတယ်... အဲ့ဒါကြောင့်မို့ တစ်ကောင်ကြွက်ဖြစ်နေတဲ့ သူမက ပထဝီတို့သားအမိအပေါ်ခင်တွယ်ရှာတယ်...

အထက်တန်းကျောင်းသားဘဝ ဆယ်တန်းလောက်မှာ ပထဝီက ကိုယ့်ရဲ့ဖြစ်တည်မှုကိုသိရှိခဲ့ရတယ်.. ကျောင်းအသစ်မှာ သူငယ်ချင်းအသစ်တွေလည်းရှိလာပြီမို့ တစ်ခါမှမကြုံခဲ့ဖူးတဲ့ ခံစားချက်တွေကြောင့် သူငယ်ချင်းက အချစ်နဲ့ပတ်သက်ပြီး စနောက်တဲ့အခါ ပထဝီက တုံးအစွာနဲ့ သူ့ဖြစ်တည်မှုကို အဲ့ဒီရင်းနှီး လှတဲ့ သူငယ်ချင်းကိုဖွင့်ပြောမိတာပေါ့..အဆုံးသတ်ကတော့ လုံးဝမလှပေမယ့်... ဆယ်တန်းကျောင်းသား ဘဝက ပထဝီ့အတွက် ပိုခက်ခဲခဲ့တယ်... ပိုဆိုးတာက အဲ့လောက်ထိ သူတို့သားအမိအပေါ် ကောင်းပေး ခဲ့တဲ့ အမျိုးသမီးက ယောက်ျားဖောက်ပြန်နေလို့ ကိုယ့်ကိုယ်ကိုသတ်သေသွားခဲ့တယ်...အဲ့အချိန်တွေမှာ ပထဝီပင်ပန်းနေသလို သူ့အမေလည်း အ‌တော်လေးစိတ်ထိခိုက်သွားတယ်...နောက်ဆုံး ယောကျ်ား မကောင်းမြင်ဝါဒီသမားဖြစ်တဲ့ သူ့အမေက သတင်းတွေပြန်ကြားပြီး သူ့လျှို့ဝှက်ချက်ကြီးကို သိသွားပြန် တယ်...