Part 7

218 17 0

بواسطة al3_508

بقلم al3_508

وصلو الكوفي و نزلو كلهم و طلبوا الي يبونه
قام علي من مكانه عسبت يروح الحمام (وانتو بكرامه)
وراحت مريم تدفع

ريال: هلا بالزين
غايه رفعت راسها جافت ريالين واقفين صوبها
ريال 2 : صاروخخ
نزلت راسها و سوت عمرها م تسمعهم
قرب واحد منهم صوبها الا و يطلع علي من الحمام وقبل لا الريال يزخها علي مسك ايده
علي: شعندك؟
ريال1: السموحه كنت احسبها بروحها
علي: حتى لو روحها ترضاها ع خواتك
خافو الريالين و طلعو من الكوفي
غايه: شكرا
علي: عشان جي اقولج لبسي عباه مسكره و لفي الشيله عدل عشان هاي الاشكال
مريم: هاه شو صار
غايه : ماشي ، يلا نروح
ردو كلهم السياره
مريم: غايوه
غايه: عيونها
مريم: ترومين تنامين عندي اليوم؟
غايه: مادري بجوف بسال خلود لو رضى ببات
مريم: انزين دقي له
غايه: تمام، بنزل برمسه و برد
مريم: تمام

غايه: الو خلود
خالد: هلا حبيبي
غايه: عادي ابات عند مريم اليوم؟
خالد: ليش؟
غايه: ابا ابات عندها
خالد: انزين بس باجر قولي حق عبود يردج
غايه : ان شاء الله
خالد: يلا عن المشاكل
غايه: يصير خير

ردت غايه السياره وقالت انها بتبات
علي: انزين اوديج بيتكم تاخذين ثياب
مريم: لا لا تلبس من ثيابي
علي: كيفكم

يوم وصلو البيت روح علي حجرته و سك الباب و راحو البنات غرفه مريم جافو سلامه موجوده
مريم: سلامه؟
غايه: هلا سلومم
سلامه: غايوههه شتقت لججج
غايه : وينج من عرستي م تسالين
سلامه : شسوي بعد يوم بتعرسين بتحسين فيني
مريم: سلوم شو تسوين
سلامه: يعني م تبين تجوفين اختج؟
مريم : لا بس ، ليكون متضاربه ويا ريلج؟
سلامه: اعوذ بالله منج ، ذيابوه حبيبي موجود بغرفه علوه
قاطعهم دق باب الغرفه دق دق دق
مريم : منو؟
علي: انا
مريم: ادخل
علي: سلوم تعالي طلعي ريلج من غرفتي
سلامه : شكله اخر مره اييكم
علي: حبيبتي ترا حجرتج موجوده ليكون مضيع
سلامه : ارد بيتي احسن
غايه: لا لا تمي م عليج منهم ، شحالج
سلامه : الحمدالله وانتي
غايه بصوت واطي : ماشيه اموري ، انا اقول سيري عند ريلج لانه شكله اخوج م بيطلع
سلامه و هي طالعه من الغرفه : ذيابوهه

مريم: اخيراا ، والله هاييل مزعجين
غايه: اقولج عطيني ميكب رموفر
مريم : خلص
غايه: ايهه لا تستهبلينن
مريم : سيري دقي الباب ع علوي و خليه يروح ييب لج
غايه: بطلب من طلبات
مريم : م عندهم
غايه: انزين انتي سيري قول له
مريم: تحسبين بيسمع رمستي
غايه: افف منج

طلعت غايه من الغرفه و راحت صوب غرفه علي شوي شوي دقت الباب دق دق
علي : منو؟
غايه: انا
علي بحيره: في شي
غايه: عادي تفتح
علي: يلا دقيقه
فتح علي الباب
علي: هلا غايه بغيتي شي
غايه: السموحه بس ميمي م عندها ميكب رموفر و طلبات م عندهم يعني لو تقدر تروم تروح تييب لي
علي: خلاص اوك قولي حق مريم تطرشلي صورته وان شاء الله شوي و يكون عندج
غايه: شكرا شكرا وايدد شكراا
علي: افاا م طلبتي شي

ردت غايه الغرفه
مريم : هاه شو قالج
غايه: طرشيله الصورهه
مريم: طعع لو انا جان م يابه ، اشك انج ساحرتنه
غايه: هيه ساحرتنه بجماليي
مريم : ويعع بدت النرجسيهه

..............................................