وصلو خالد و غايه القريه وكانت غايه اصلن يايه لانه تبا تاخذ اشياء
خالد: وين تبين تروحين؟
غايه: يعني مو يايبني عسبت اجوفها
خالد: هيه بس بعدها م وصلت
غايه: عندها ليسن؟
خالد: هيه
غايه: انا موافقه!
خالد: يا حبيبي م بتستوي دريول حقج
غايه: نحن بنات بنتفاهم روحنا, يعني لا تدخل
خالد: غايوه بقوم بصفعج هني , اقبضي لسانج شوي هب قدج انا
غايه: هدي عشان م اخبرها صفاتك الخايسه
خالد: غايوهه!!
غايه: ويع Anger issues
خالد: طوفي جدامي يالاجنبيه
دشو غايه و خالد و قعدت غايه تدش الدول الي تباهم و خالد كان يمشي وراها
شوي ودقت نوف
خالد: هلا حبيبتي , وصلتي؟
نوف: هيه وينك؟
خالد: تعالي عند القريه الافريقيه
غايه: لا لاا الصين
خالد: غايوهه سكتي شوي
نوف: خلاص عشانها تعال الصينيه
خالد: لعيونج بس
نوف: فديتك, يلا اجوفك
خالد: فدا قلبج, باي
خالد: امشي
غايه: وين؟
خالد: القريه الصينيه لاه
غايه: شو غير رايك؟
خالد: نوفي
غايه: خفيففف, يلا يلا
خالد: جب امشي
وصلو القريه الصينيه عقبهم بشوي وصلت نوف
نوف: السلام عليكم
خالد: عليكم السلام
نوف: شحالك؟
خالد: بخير دام جفت ويهج
نوف وهي مبتسمه: دوم
خالد: تدومين لي يبعد قلبي
نوف: الا وين غايه؟
خالد: يالسه تحوط داخل
نوف: انزين تعال تسير لها
خالد: يلا
مسك خالد ايدها و دشو
شوي ووصلو عند غايع
طالعتهم من فوق لين تحت و ابتسمت
غايه : عمري م جفت خلود يمسك ايد حد , اكثر انسان م عنده مشاعر
نوف: لا والله يعرف يعبر
خالد عطه غايه نضره
غايه: جفي انا م بجذب عليج , خلود انسان وايد طيب و خلوق و اذا حب بيحب من قلب بس عيبه انه وايد غيور
نوف : من حقه يغار ع الناس الي يحبهم
غايه: خلود, لو سمحت خلنا بروحنا
خالد عطاها ابتسامه و راح
يلسوا البنات يسولفون و عرفت غايه انه نوف و خالد يحبون بعض وايد و وايد يتشابهون
غايه: خلاص انا اجوف انكم مناسبين حق بعض وماشي بنت احسن منج حقه
نوف: مشكوره حبيبتي وانتي وايد طيبه و بسرعه تدخلين القلب
قاطع كلامهم فون غايه , علي كان يالس يدق
غايه: الو
علي: هلا
غايه: هاه
علي: وينج؟
غايه: ف القريه ويا خالد و حبيبته
علي: خالد طالع ويا حبيبته؟ , انا يوم كنت اقولج خنطلع م كنتي تطيعين
غايه: انا بنت , الموضوع غير
علي: انزين ليش م رمستيني قبل لا تطلعين؟
غايه: انت م قلت لي قبل لا تطلع ليش انا اقولك
علي: يعني خذتيها ف خاطرج عشان م قلت لج؟
غايه: تبا الصج , هيه
علي: خلاص عيل احين اقولج انه بسير باخذ مريوم و بنرد البيت
غايه: اوكي , تبا شي قبل لا اسكر
علي: هيه رمسيني قبل لا ترقدين
غايه: ان شاء الله
علي: احبج
غايه: اعشقك
علي: يلا باي
غايه : باي
نوف: منو هاه؟
غايه: خطيبي
نوف: اللهه متى بتعرسون؟
غايه: مادري بس خلود بيعرس قبلي
نوف: ليش مو مستعيله؟
غايه: م خلصت دراستي و فرق بيني انا و خلود خمس سنوات و احس م ينفع اعرس قبله
نوف: يلا الله يتمم عليكم ف كل خير
.............................................................................................
أنت تقرأ
علاقتنا انتهت بالحب🤩!
Romanceطبعا اول مره اكتب ف السموحه اذا كان شي اغلاط مني مناك ويلا اتمنى تعيبكم .
