مروا الخياط خذوا مخاورهم عقب راحوا المول
مريم: انا م بنزل
غايه: ليش؟
مريم: تعبانه
قمر: سلامات
مريم: الله يسلمج
غايه: انزين ناقصنج شي تبيني اييب لج شي؟
مريم: لا بس كان ناقصني المخاوير ف بس خلصت
غايه: تمام
نزلوا غايه و قمر و قالت مريم
مريم: عبدالله
عبدالله: لبيهه
مريم: ليش م تبا تاخذ شما؟
عبدالله: شما ونعم فيها بس انا اباج انتي
مريم: بس انا اعرف انه شما تحبك و تباك
عبدالله: هي قالت؟
مريم: هيه هي قالت لي , وحتى غايه تعرف
عبدالله: بس انا ماباها
مريم: تباني؟
عبدالله: اكيد اباج
مريم: يعني ودك تاخذني؟
عبدالله: مو ودي باخذج , بس يعني انتي تبين؟
مريم: هيه هو انا اباك بس يعني..............
عبدالله: بس يعني شو؟
مريم: انا اعرف انه شما تحبك ف م اقدر اني اخليك تخطبني و اوافق, ف احس اسمع كلام امك و اخطبها هي
عبدالله: يعني انتي جي تقولين انج م بتوافقين
مريم: انت عارف انه مو قصدي ارفضك بس شما تحبك
عبدالله: م عليج من شما الحين , انتي تبيني ولاا؟؟؟
مريم: على حسب اذا شما موافقه ولا
عبدالله: خلاص عيل تم
عند قمر و غايه
قعدوا يتشرون شوي و عقب نوف دقت ع غايه
نوف: هاه غايوه وينج
غايه: صوب............, وهيه ترا اميه تبا تجوفج
نوف: ويييي ليش م قلتيلي قبلهااا
غايه: عاديي خليج ع طبيعتج و بتحبج
نوف: ان شاء الله, عالعموم انا احين بيي
غايه: تمام
يت نوف قعدوا كلهم يسولفون و يتعرفون ع بعض و عقب راحت نوف و قعدوا قمر و غايه يتشرون و شوي ودقت قمر ع عبدالله
قمر: يلا قرب الموتر ماروم امشي وايد تعبت
عبدالله: اميه صبروا شوي انا ف الصيدليه
قمر: ليش بسم الله شو فيك؟
عبدالله: لا الحمدالله انا م فيني شي بس مريم تبا تاخذ شي
أنت تقرأ
علاقتنا انتهت بالحب🤩!
Romanceطبعا اول مره اكتب ف السموحه اذا كان شي اغلاط مني مناك ويلا اتمنى تعيبكم .
