اليوم الي بعده نشت غايه الساعه 7:02 طبلت لها اكل و حطت مسلسل و كلت
شوي ودق لها خالد
غايه: الو؟
خالد: وينج عبود يقول مب بالبيت
غايه: بدبي
خالد: ابويه و اميه يدرون؟
غايه: هيه قلت حق ابويه
خالد: انزين اليوم ردي البيت
غايه: برد بس ليش؟
خالد: انا برد وانا اطلع وياج
غايه: وين؟
خالد: القريه
غايه: انزين دام انا فدبي انت تعال شلني
خالد: عيل انا ع الساعه 6 المغرب بيي طرشي لي اللوكيشن
غايه: اوكي
طلعت غايه راحت عند مريم
غايه: وين عنود؟
مريم: بغرفتها
طلعت غايه من مريم و راحت عند عنود
غايه: عنود؟
عنود وهي ترتب اغراضها: هلا
غايه: ليش ترتبين احين عقب بنروح
عنود: حمدان برع يترياني
غايه: انزين انا بوصلج لين برع
عنود: تمام سيري بدلي و تعالي
لبست غايه عباتها وطلعوا هي و عنود
وصلوا غايه و عنود صوب الموتر غايه حضنت عنود ويايه تروح ولا و ينزل حمدان من الموتر
حمدان: غايه
غايه: صدت و قالت
غايه: خير
حمدان وهو يقرب: عطيني فرصه
غايه: فرصه شو؟
حمدان: عطيني سنابج يمكن تحبيني
غايه: حمدان احسن لك تبتعد
حمدان: م ببتعد عطيني فرصه!!
غايه: حمدان انا مخطوبه!!
حمدان: انزين جربي يمكن تحبيني اكثر عنه
غايه: تستهبل ولا كيف؟؟!
حمدان حط ايده ع جتفها
حمدان: غايه.....
غايه و هي تبعد ايده: شل ايدك يعلها الكسر, قسم بالله ان فكرت ترمسني او حتى تطالعني والله ثم والله م يصير خير, اخر مره علي المره اليايه عبدالله و خالد
عطته ضهرها و ردت داخل
ردت غايه حجرتها و بدت تحط ميكب و تسوي شعرها
دشو عليها علي و مريم
مريم: على وين؟
غايه: ولا مكان
علي: عيل ليش تكشخين؟
غايه: بنسير انا و خلود القريه
مريم: احين؟
غايه: لا احين حرر, ع المغرب
مريم: احسب
علي: تريقتي؟
غايه: هيه الحمدالله
علي: يلا عيل انا و مريوم بنسير نتريق لو تبين شي قولي
غايه: ان شاء الله
ع الساعه 4 غايه سارت عند مريم
غايه: مريم
مريم: هلا قعدي
غايه: ابا اقولج شي
مريم: قولي
غايه: عن حمدان
مريم عدلت يلستها
مريم: اسمعجج
غايه خبرت مريم شو صار بينها بين حمدان
مريم: اويههه من ويت يتا الجرئه
غايه: جفتي كيفف
غايه: لا تخبرين علي
مريم: م عليج مو غبيه انا
غايه: شرايج تيين وياي انا و خلود القريه
مريم: لا لا عندي بروجكت م سلمته
غايه: يلاا عادد
مريم: غايوههه لا تحنينن
غايه: خلاص كيفج
مريم: لا طلعي بسبح
غايه: اقوى طرده بس اوكي
طلعت غايه قعدت ع فونها , دق لها خالد ع الساعه 5:49
خالد: جاهزه؟
غايه: هيه يلا احين بطلع
خالد: يلا لا تطولين
غايه: من عيوني
راحت غايه عند مريم سلمت عليها عقب طلعت عند خالد
خالد: م بغيتي
غايه: بنت لازم اتاخر لاه
خالد: عذر اقبح من ذنب يلا ركبي بس
وقف خالد محطه وقال
خالد: انا بعبي بترول تبين شي؟
غايه: هيه بنزل باخذ لي رد بول
خالد: تبين بيزات؟
غايه طلعت بطاقه ابوها بابتسامه
خالد: لو انا طالب جان م عطاني
غايه: بنته الوحيده لو م دلعني بيدلع منو
خالد: تراني ولده العود
غايه: تداوم صح, اصرف ع عمرك
خالد: جب جب
غايه عطته ابتسامه و دشت
يوم طلعت قالت
غايه: شعندك ليش تبا تطلع وياي
خالد: تبين الصج وراي شي
غايه: احححح شكله شي جايد
خالد: اباج تقابلين حبيبتي
غايه: احححححححح , عندك وحدهه؟؟؟؟
خالد: اسمها نوف, عمره 24
غايه: ابا اجوف شكلها
خالد فج فونه دش سناب و فج الجات و عطاها الفون
خالد: مسكي جوفي
غايه: طعع مسمنها💍
خالد: بس حلوه صح؟
غايه: كيف صدتها؟؟
خالد: غايوه جب ترا اخوج مزيون
...................................................................................................................
أنت تقرأ
علاقتنا انتهت بالحب🤩!
Romanceطبعا اول مره اكتب ف السموحه اذا كان شي اغلاط مني مناك ويلا اتمنى تعيبكم .
