♡ مشكلتي إني حبيت أغنية صغيــره ♡

02

عزام بـ نظره: انت اللي بديت .
عنان: كانت امزح بس هي شخصنة و رمتني بـ المنديل مع راسي .
مشاري: لا والله و انت عارف أنه م احد يمزح مع النونو ذي .
سارة بـ صدمه: انا انا نونو ي مشاري هين عند ابوي .
مشاري لف عليه: اي نونو المفروض كبرتي عقلك و رحتي غرفتك يومك معصبه بدل المهاوش اللي م منه فائده .
سارة تخصرت: لا والله يعني اسكت له ليه م يكبر رأسه هو يتغضى عن كفخت راسه .
عنان بـ عناد: زي م انتي م تغضيتي عن سوير انا م بتغضى عن كفخت راسي .
سارة لفت عليه: انا م اكلمك اكلم اخوي يعني كل تبن .
عنان فتح عيونه: اقول احترمي الفاضك من اليوم وانتي تسبين ي قذرت اللسان .
سارة شهقت: من قذرت اللسان ي ابو راس مربع .
عنان بـ عصبيه: شفت شفت ي مشاري و تلومني لو م سكت لها .
مشاري ب صوت عالي: اسكتوا كلكم عنان و عزام انقلعوا العبوا ولا اطلعوا فـ الحاره و انتي انقلعي غرفتك .
سارة تتكتف و هي تتربع فـ الأرض: بيتنا اروح مكان اللي ابي منيب متحركه عشان حضرت جنابه .
عنان: بنتظرك برا ي عزام .
طلع عنان وفرحت سارة و حست بـ انتصار و دخل مشاري يحاول ينوم بعد اللي صار وطلع عزام لـ عنان فـ الحاره .

~•~•~•~•~•~|
فـ بيت فارس؛
بعد م دخلت حور البيت شافت ابوها و اختها جالسين فـ الصالة يتقهوون ويسولفون: هلا هلا وش ذي الجلسة الزينه .
فارس: هلا و غلا بـ بنيتي الغاليه تعالي .
قربت حور منه و حبت رأسه و ضمته تجلس ف حضنه: يوه اشتقت لـ حضنك يبه من زمان .
فارس بحزن: والله اني اسف كله من ذا الدوام .
حور بفرح: لا وش دعوه اهم شيء انت بصحه و عافيه .
وئام بهدوء: أ. ابتسام اتصلت علي م راح تتوبين انتي ؟
حور عدلت جلستها: لا ذي المره مالي دخل عنود ضربت جمان و سارة ضربت الباقين و انا اتفرج .
وئام رفعت راسها له: حور ي حبيبتي تراك اختي ولا ارضي عليك الغلط لا تتهاوشين مع أحد و اهتمي بـ دراستك و مستقبلك و إذا احتجتي شيء أنا موجوده ي قلبي .
حور حست بـ الذنب و كانت دائم تسمع كلام اختها و تطنش بس اليوم تأثرت عشان هذال كلمها هي و ساره عن نفس الموضوع فـ السيارة .

*فـ السيارة هذال*
هذال يتكلم و هو منتبه لـ الطريق: ي سارة و ي حور انا ابي مصلحتكم تهاوشوا كيفكم بس التفتوا لـ دراستكم و اهتموا فيه انا موجود لو تبون مساعده بساعد بـ اللي اقدر عليه بس دراستكم لا تهملونها الحين بسالكم اختبروا قدرات تحصيلي .
سارة بهدوء: لا و لا ذاكرنا بعد كل م تجمعنا نذاكر سولفنا .
هذال: هاه تعرفون المشكله حلوها لا تجتمعون أو اجتمعوا بس خلوا وئام أو جنان معكم عشان تنبهكم .
حور: صراحه انا ذكرت شوي الأساسيات بعدين سحبت بس صرت شاطره فـ الرياضيات بسبت القدرات .
سارة لفت عليها: عشان كذا وانا اقول من وين نزلت عليها الدفاره ي الخائنه .
هذال بـ ضحك: ارجعي مكانك و بعدين كفو عليه رفعت درجاتها مب مثلك م تدلين دربك .
سارة ضربت كتفه: مالك شغل انتبه لـ الطريق .
هذال وقف: وصلنا ي حور بـ حفظ الرحمن و فكري فـ كلامي ولا عليك من السوسه سوير .
سارة بـ صراخ: هين ي هذال عند ابوي .