♡ مشكلتي إني حبيت أغنية صغيــره ♡

10

انطق الباب و راحت هدى تفتحه شافت صارم و دخلته دخل صارم بعد م حب راس امه، هدى: مبروك ي وليدي مبروك منك المال و منها العيال الله يوفقكم و يخليك لها سند و ذخر و اسمعني عاد تراهي بنتي زي م انت ولدي ان زعلتها بـ شيء ي صارم لاقلب الدنيا واقعدها عليك .
صارم لف يشوفها انبهار فيها بـ فستانها البسيط مليان كرستال مخصر وحطه طرحه ومكياج ناعم و شعرها اسود طويل ويفي، لف لـ أمه: يمه تأمنيني عليها هذي روحي و قلبي و نصي الثاني، عنود ايمن كل شيء فـ حياتي، عنود الدنيا و م فيها، عنود امنيتي الوحيده، عنود اغلى م املك، عنود تعني كل شيء .
هدى ضحكت من شافت عنود مستحيه، لفت ع صارم: البنت استحت أعقل و الحين وقف عشان التصوير بعدها الزفه .
طلعت هدى و بدأت المصورة تعطيهم التعليمات و هم يطبقون و عنود كانت متوتره و مستحيه من اللي قاله صارم بس كانت مبسوطه فيه كثير وكانت تتامله طوال الوقت، صارم كان يتأملها كل م تسنت له الفرصة و أكثر شيء أسعده يوم قالت المصوره ضمها فـ البشت ضمها جوا و جلس يتأملها و سحب خصرها و يده الثانيه ع خدها يبوس شفتها عنود استحت وغطت وجهها بـ حضنه و بعدوا يوم قالت المصوره يغيرون الحركة .

~•~•~•~•~•~|
قاعة الرجال؛
رجع لهم صارم بعد جلست التصوير وجلس يمينه هذال ويساره عنان، صارم بـ سعادة: عيال دخلت اصور ولا عاد قدرت اطلع الله يعين الليله .
هذال ضحك: زين مسكت عمرك م فجرتها .
عنان بـ طقطقه: صدقني فجر نصها وخلى الباقي لـ الليلة ارفق بها توها بزر .
ضرب صارم كتفه: وجع ي عنان مالك دخل .
هذال وقف: صادق تراه لا تخليها تكره قربك والخين قوموا نعرض .
قاموا العيال تجمعوا يعرضون يرقصون بـ السيوف كان عرضهم يأخذ العقل الكل يناظرهم بذات الثلاثي اللي كانوا محترفين ودخل معهم رائد و عزام و مشاري، صارم بـ حماس: عاشوا آل فاهد .
ردوا العيال: حي عينك .
فارس يتاملهم: ي زينهم الله يحفظهم والله كبروا بسرعه .
عبدالله: اي والله احس لـ الحين اشوفهم يتهاوشون يزينهم .
عارف بـ حزن: ليت عبدالعزيز معنا الله يرحمه .
ردوا بـ الله يرحمه .

~•~•~•~•~•~|
قسم الحريم:
كان فيه بنت و امها يناظرون وئام و جنان طول الوقت عينهم عليهم و باقي البنات كانوا فالينها يرقصون البنت قامت و جلست جنب جنان: السلام عليكم، اخبارك حبيبتي ؟
جنان لفت بـ استغراب: و عليكم السلام، بخير بس من انتي م عرفتك ؟!!
البنت: انا سهام بنت خالك يوسف .
جنان بـ ابتسامه: اي عرفتك وينك مختفيه اعرستي و سحبتي علينا .
سهام ضحكت: ابشرك جبت ولد عمره 9 شهور عشان كذا اختفيت .
جنان بـ حماس: امانه وش سميتيه ؟
سهام: ع ابوي الله يرحمه يوسف .
جنان نزلت راسها: الله يرحمه .
سهام: إلا جنو بسالك اللي جنبك من؟؟
جنان لفت ع وئام: هذي بنت خال عنود وئام .
سهام تتاملها: م شاء الله وش زينها تهبل .
وئام استحت و جنان ضحكت: لا تحطين عينك عليها متملكه .
سهام بـ صدمه: صدق !!!
وئام هزت راسها, سهام: م الومها كل ذا الزين ولا تنخطب حرام .
جات حور و معها سارة و ندى نسدحت ع وئام: م ادري وش بسوي فـ عرسك تعبت قسمم .
ضحكوا البنات عليها, سهام: من انت؟؟
وئام: اختي حور و هذي سهام بنت خال جنان .
سارة مدت يدها تسلم عليها: هلا والله تصيرين خويتنا .
سهام ضحكت: ابشري م عندي مانع .
جنان لفت عليها: صادقه سارونه تعالي معنا مع شلتنا و جيبي ولدك فعاليات .
سهام ضربت كتفه: تبين تأخذين ولدي محتوى .
ندى: م عندنا محتوى إلا بدوري الحين ولدك .
لفت سهام: من بدور؟؟
جنان: اخو عنود و ندى اسمها بدر عمره 4 سنين بيدخل 5 بعد شهرين .
سهام ابتسمت: زين فيه احد يجلس مع يوسف .
حور: اي تكفين جيبيه نبي نغير عن بدر احس مل .
جت هدى: قوموا تجهزوا بـ تبدأ الزفه يلااا .
البنات استنفروا يعلمون الحريم عشان يتغطون و يجهزون اغنيه الزفه و يجهزون عنود, دخلت ندى ع عنود: يلا زفتك بـ تبدأ و ترا دخلوا العيال بتنزفين الحين يلااا .
وقفت عنود متوتره بس شجعت عمرها و وقفت ع الباب اللي انفتح و بدأت الزفه الكل كان مبسوط فيها و يصفقون و يزغرطون إلى أن وصلت و باس جبينها صارم و قطعوا الكيكه سوا و بعدها سلمت ع ابو صارم و خالها و عماتها و باقي البنات و لبسوها العبايه و طلعت مع صارم .