♡ مشكلتي إني حبيت أغنية صغيــره ♡

04

~•~•~•~•~•~|
فـ بيت عارف؛
داخل صارم عليهم البيت سلم ع امه و ابوه و جلس معهم فـ
الصاله: غريبه وين جنان و عنود و عنان ؟
هدى و هي تصب القهوه: والله م ادري علمي من علمك، عنود رجعت من المدرسه سلمت علينا و رقت فوق و نامت قالت م تبغى غداء، و جنان تغدت معنا و رقت فوق تنوم، و عنان م بعد جاء .
صارم بـ هدوء: عنود م قالت لكم شيء، م كانت متضايقه و هي تسلم عليكم أو تسولف معكم ؟
عارف بـ تفكير: الا كان وجهها حزين مره، ولا كان لها نفس شيء، سلمت علينا و جلست مع بدر شوي، و رقت فوق و قلنا لها تعالي تغدي قالت م اشتهيت .
بدر جاء من بعيد يركض و فرحان: صالم صالم جاء .
صار ضحك فتح يده: ي عيون صالم، انت شلونك ي قلبي شخبارك ؟
اشر بدر بـ 👍🏻: طيب طيب انت شنونك ؟
صارم بأس خده: طيب، دامك طيب بدر متى رحت البقاله؟
بدر جلس يفكر: امم م أدلي .
صارم مبسوط ع كلامه: ايش رايك اوديك الحين ؟
بدر بـ حماس: يس يس يـــــــــــــس .
صارم شاله: اجل خلينا نقوم عنود ناخذها معنا، ايش رايك بعد .
بدر نزل و ركض ع الدرج ع غرفه البنات عشان يقوم عنود و وراه صارم .

~•~•~•~•~•~|
فـ بيت عبدالله؛
دخل هذال ع البنات فـ الغرفه: ندى حور، قومي يلا بوديكم بيوتكم .
حور بـ ترجي: لا تكفى، بنجلس بس شوي بس شوي خمس دقائق .
هذال بـ ابتسامه: حبيبتي، خمس دقائق بتصير خمس ساعات فقومي احسن لك من الحين .
حور تعطيه قفاها: اذا كان عشان تودينا و تفتك منا، ترى في اختي وئام، بقول لها تجي تاخذنا خلينا .
هذال تكتف: م هي سالفه من يوديكم من و ياخذكم، خلاص تاخر الوقت تراكم ترجعون العصر، و الحين الساعه 5 .
حور وقفه تتخصر: وإذا 5 يعني لازم نرجع بيوتنا، منب عند غرباء .
ساره بـ هدوء: حور هذال صادق خل نروح عشان كل واحده
تذاكر ونشد حيلنا، وان شاء الله بعد الاختبارات بقول لكم فـ القروب وش نسوي . *وغمزت لها*
ندى و هي تجمع أغراضها: استغفر الله الساعة 5 ابي ارجع اذاكر عندي اختبار علوم .
هذال لف ع حور: شفتي يا حور حبيبتي كلهم مشغولين، يلا ارجعي لبيتكم .
حور تأخذ اغراضها: اصلا عادي، حتى انا مشغوله يلا خلنا نرجع .
نزلوا البنات بعد م البسوا عباياتهم و وصلهم هذال كل واحد بيته .

~•~•~•~•~•~|
فـ بيت عارف؛
دخل بدر و معه صارم شاف جنان جالسه ع المكتب حقها تذاكر لفت عليهم: واييي بدوري تعال .
ركض عليها بدر يضمها: دنان اهبت اهبت .*وباس خدها*
جنان مستلطفته: ي قلبـــــــــــــي انا اللي اهبت والله انا .
صارم وقف عند سرير عنود بدأ يصحبها وعت تصحى و لفت ع الجهه الثانيه و رجع يصحيها و هي منزعجه من صوت جنان و بدر و الحين صارم قامت بـ جزئيا العلوي و لفت عليه: صارم لو م انقلعت عن وجهي بنتهاوش، بنومممم مالي حيل ولا شيء .
و رجعت تنسدح جلس صارم ع الأرض يكلمها: نودي، اعرف انك متضايقه لا تغديتي ولا جلست مع البنات فـ بيت عمي عبدالله .
عنود من تحت المفروش: منيب متضايقه بس م نمت زين عقب امس نذاكر .
صارم بـ هدوء: اعرف انك متضايقه تهاوشتي مع أ.ابتسام ولا جمان ؟
عنود و هي تتألفف: ولا وحده اقولك من الاختبار .
صارم بـ عصبيه: عنود قومي تكلمي معي مهيب حاله ذي .
عنود قمت تتربع و تصر ع أسنانها: جلست اقول م فيني شيءءء م تفهممم .
صارم وقف: لا م افهم و قومي معي بنروح البقاله انا و بدر .
جنان بـ صوت عالي: لا والله و انا .
بدر بـ ضحك: اديب لت بديب لت .
جنان قبصت خده: لا تديبلي بروح معكم يلا عنود .
صارم لف ع عنود: يلا ي عنود و بنرجع تذاكرين وتقولين وش مضايقك .
عنود وقفت تتجهز: م في شيء مضايقني .
نزلوا تحت بعد م تجهزوا و قبل يفتحون الباب و صلوا ندى و رائد و شافوهم بيطلعون رائد: وين م شاءالله .
صارم: رايحين البقاله تعالوا .
ندى و هي تلعب مع بدر: لا وداني هذال بعد المدرسة برقى
اذاكر .
عنود و هي تضرب كتفها: وينا و وين الظهر اخلصي وش تبين ؟
ندى وهي تضمها: اوه اشتقت لك م ابي شيء بروح اذاكر .
جنان تودعها: بتوفيق ندوي .
و طلعوا كلهم يركبون السيارة .