الوقوعُ فيِ عيّنيها

20{صريع بين يديها}

الوقوع في عينيها
__________________
اللهم صلِ وسلم وبارك على سيدنا محمد
نوفيلا: الوقوع في عينيها
الفصل"العشرون
متنسوش الڤوت (النجمة) قبل القراءة، أتمني لكم قراءة ممتعة🤍
______________
"أنا حاسة إني عايزة ألغي الحوار ده، أنتَ عملت كده عشان تنقذني من جدي يعني شفقة"

كانت تبكي وهو ينظر لها بهدوء وعندما طال الصمت بينهم رفعت عينيها لتقابل عيناه وهو ينظر لها بتركيز لتقول هي بهدوء:
"أنتَ ساكت ليه"
تنهد وهو مازال ينظر لها وقال بهدوء:
"مش عارف، ممكن مثلا عشان مكنتش متوقع إن أنتِ هتقولي الكلام ده؟"

نظرت له بعدم فهم وقالت:
"إزاي مش فاهمة"

_كنت متوقع إننا جاين نتفق علي جوازنا، ومكنتش عارف إنك أصلًا مفكرة إن أنا رايح أتجوزك شفقة، شفقة إيه دي إللي أنتِ بتتكلمي عنها يا وتين؟"

قالها بنفاذ صبر لتقول هي بهدوء:
"أومال أنتَ عايز تتجوزني ليه"

_عشان أنا بحبك"
قالها وهو ينظر في عينيها بينما هي كانت في عالمٍ آخر وعلامات الخجل تتضح علي وجهها ليكمل هو بحب :
"بحبك من لما جيتِ أول مرة الجامعة، حبيتك بجد ومن بعدها وأنا قلبي مش رايد غيرك، إختفيتِ في ألفترة إللي أنا خلاص كنت هاجي أتقدملك فيها، وعرفت إنك روحتِ لجدك، وبعدها بفترة لما لقيتك رجعتِ الجامعة تاني كأن روحي وقتها رجعتلي من تاني، وتيجي أنتِ دلوقتي تقوليلي شفقة، كنت أتمنى إنها تبقى شفقة بس المغفل ده حبك ومبقاش شايف غيرك والله"

قال أخر كلماته وهو يُشير إلي موضع قلبه، كانت تنظر له والدموع في عينيها لتقول بهدوء:
"أنا أسفة، وشكرًا علي حبك ده أنا حقيقي مكنتش أعرف"

إبتسم بهدوء وهو يقول مغيرًا للحديث:
"أيوة يعني هكتب عليكِ امتى؟"

ابتسمت وقالت بخجل:
"ممكن بعد الإمتحانات يعني ممكن كمان أسبوع إيه رأيك"

"إستنيت كتير، وهفضل أستناكِ العمر كله يا أميرتي"

إبتسمت بخجل ليقترب منها قليلاً وهو يقول بهدوء:
"مش هترفعي وشك بقى عشان أحب فيها؟"

رفعت وجهها وهي تقول ببلاهة:
"هي إيه"

غمز لها وقال بمشاكسة:
"عيونك"

جحظت عينيها بصدمة وخجل ليضحك هو بخفة وقال بهدوء:
"كلها أيام وهحب فيها براحتي"

لتضحك بهدوء وتتركه وتذهب للداخل وذهب هو خلفها وأعلموا الجميع أن عقد ألقران بعد إمتحاناتها ليهلل الجميع بفرح وتنهال ألمباركات عليهم تحت فرحة الجميع"
________________
كان يجلس في غرفته لتدخل عليه أروى مسرعة وهي تقول بخبث:
"أنا جيتلك أهو إحكيلي بقى مالك ومش علي بعضك ليه"