#الـريـم 🦋
يحيي العظم ياريت ويكلك اگعد
ويودي ملچ الموت ياخذني وترد ...
*******************
( دودي)
بنص شهر الثامن واني ملتهيه اقره بابا بده وضعه يتخربط ومنعرف شنو علته مع العلم اخو دڪتور معروف بس حتى هو معرف شبي ڪل دڪتور يڪله شڪل وينطي علاج شكل .....
اني من اشوف حالته شلون تعبان اضل ابچي هو يكلي
ابو دودي : هااا هااا ليش البجي حبيبة ابوج انتي
دودي : بابا عليك الله صير زين لتعوفني
ابو دودي : لا لتخافين بابا ماعوفج انتي عزيزتي بس اذا صار ورحت
اريدج قويه ولاتضعفين
دودي : اسم الله عليك حبيبي بابا من عمري ع عمرك
چنت احس وجعه بروحي ڪلشي ولا بابا اتخبل اذا يصيرله شي هو الوحيد الي وياي ويدافعلي
" عزيز روحي هو "
ضلو يوميه ماخذي لمستشفى ويخلوله صوندات وميفيد اخر شي كالو لازم ينام مستشفى لان كلياته كلش تعبانه ،
ضل 5 ايام بالمستشفى سووله غسل كليه وخلوله صوندات يالله فادت ويا بس هم بقه يتأكدون من وضعه ...
مجنت اكدر اروح للمستشفى اشوفه متقبل امي لان كلها موجودة هناك واني روحي لايبه بس اريد اشوفه .
بيوم اجت ماما للبيت بليل ترتاح وتسبح وترجع ثاني يوم للمستشفى رحتلها كلتلها ...
دودي : ماما حبابه خل اروح للمستشفى وياج اشوف بابا والله بس شويه وارجع
ام دودي : شو دولي تريد تشوفه انتي شايفه الناس الي ملتمه هناك
دودي(صياح) : وانيييييي شعليةةةة بالناااس طبهم مرض انيييييي اريد اشووووووف بابااااا
ام دودي : هاا ام الزلم طبعا تردين ترحين هناك اكو كومه زلم امشي ولي من خلقتي وصوتج اذا عليتي اكوم اطيح حظج جيت ارتاح شويه واروح عوفيني بحالي
رحت للغرفه متت بچي طك كلبي عليه اريد بس اشوفه لو اسمع صوته ...
ضليت بس ع المكالمات وهو ميكدر يحجي بس اسأل امي واخويه عليه ،
وره يومين صار وضعه ڪلش زين وره الغسل وتاكدو منه يالله طلع وبطلعته ردتلي روحي وكدرت اجر نفس ...
من شفته بسرعه ركضت عليه حاضنته وابوس بي
دودي: يممممه حبببيبييي يانووور عيوووني نورت البيت يا شمعة بيتنا انت والله خوفتني عليك بابا شنيةةة
ابو دودي : ياروح ابوج والله ادري بيج وحاس لاعبالج ماحس بعزيزتي انتي وي نفس تمشين
دودي : من عمري ع عمرك
" انطيك روحي لو مرة التعب جاسك "
كلي اني شنو حياتي من دونك والله اضيع
أنت تقرأ
الريم
Mystery / Thrillerعن الأشياء التي توشك على الإختفاء، أُشيح بوجهي بعيدًا، أن أرقبها وهي تغيب عن الأبصار، هذا ما لا أستطيع أن أفعله، لكن ما إن تدير ظهرك لها حتى تشعر بنظراتها تخترق عظامك بلا نهاية ... يحكى أن هناك فتاه ضاقت بها الدنيا تجاوزت العديد مـن الالام وحكمت...
