#الـريـم 🦋
دودي تڪول:
الحُـب مثل الحـرب يـحتاج رجّـال 💪
يـهـنـيـالـي ربـحت الـحـرب ولـڪيت رجّـالـي ✌💍
......................................
( دودي)
جنّه واكفين أني واحمد سويه، اجت بنت خاله وكفت يمنه حچت ويه أحمد،
وتباوعلي بنظرة إستهزاء، كالت
: هيَ هاي دودي الي خبصتنا علمودها؟ … وتأشر باصبعها عليه
احمد: اي، هاي دودي تاج راسج …
: لا ؏ شنو تاج راسي بلا؟ … دارت وجها عليه وكالت
: عفيه انتي مو عروسه شنو هاي مكياجج خفيف، ولامبينه لو ما لابسه تاج وبدله معرفناج انتي العروس ……
خزرتها وگلبت خلقتي، وكلت اذا سكتت يعني تتماده أكثر
دودي: حبيبي اني جمالي رباني الحمدُلله مقتنعه بروحي، وما احتاج مكياج هواي،
خليت اللبخ للجڪمات هنّه يحتاجنّه اڪثر
حچيت هيج لان هي مخليه مكياج بوجهه عبالك المُدرسات زمن 2003،
احمد: اصلاً انـه لو بيدي ما اخليها تخلي مكياج ابد، وجهه يخبل بمكياج وبدونه
: اوي وشبيك هيج تدافع عليها ؏ كيفك عيني،
احمد: انـه ودودي واحد يعني الي يمسها يمسني، ماشي خويه…
ودار وجهه عليه وسحب إيدي
احمد: امشي بابا خل نكمل صور ……
وهيَ راحت طول الحفله ماشفناها،
ڪملنه تصوير وسحبني وكال خل نركص، ركصنا سـلو، ؏ اغنيه هوَ إختارها، جان دوم يغنيها إلي،
وبعدين اني طلبت اغنيه وهمَ ركصنا،
" بين إديه اني ....
بين إيدين آحمدي بالحلال .... "
روحي رادت تطلع من الخجل والتوتر، والفرح، هوَ إنتبهه عليه خجلانه،ومتوتره رفع راسي وكال
احمد: شبيها دوديتي متوتره؟ … قربني عليه أكثر وكال بهَمس
" لتخافين ولتتوترين ريـمتـي صرتي الي بعد محد يكدر يسويلج شي لو اكبر واحد ميوكف بوجهنا، انتي ريـمـة احـمـد خووووش …… "
ضحكت ودنكت، كتله
دودي: يعني متعوفني؟
احمد: "شايفه اب يعوف بنته؟"
ولج انـه متت حتى اوصل لهاي اللحظه، سنين وانـه احلم بهل يوم تالي تكليلي تعوفني؟ تخبلتي؟، بس الموت يبعدنا …
أنت تقرأ
الريم
Mystery / Thrillerعن الأشياء التي توشك على الإختفاء، أُشيح بوجهي بعيدًا، أن أرقبها وهي تغيب عن الأبصار، هذا ما لا أستطيع أن أفعله، لكن ما إن تدير ظهرك لها حتى تشعر بنظراتها تخترق عظامك بلا نهاية ... يحكى أن هناك فتاه ضاقت بها الدنيا تجاوزت العديد مـن الالام وحكمت...
