#الـريـم 🦋
تَعرف غلاتك لو بعد
محتاج أبينها أكثر
يلـ بيك لهاني العُمر
ما ركزت بي من مَر
يمكن أذا كتلي شكثر تهواني
راح اتحير الليل أعد مَحبتك بس باجر تزود أكثر
الـ ادري بي من تبتعد مدري شحس بحيرتي
صدري حفر بي خنجر ...
مگطوع شريان أبهر ...
........................................
( دودي)
دودي: يبوووو عليه، عليك الله حمود احجي الفضول ڪتلني
احمد: هههههههه باعي بعد شهرين من اليوم بالضبط تكونين بهاي الغرفه وبعد محد يڪدر ياخذج مني
دودي: شنو يعني مفهمت !!!!
احمد: انتي مو تدرين مقدم ؏ اجازه زواج ؟!
دودي: اي صحيح بس مكتلي يايوم
احمد: اي ردت اسويها مفاجأة قدمت ع ٩/١١ قبل يوم الحنه مالتنه وصدك طلعتلي واحنه اليوم ١١/٩ يعني حظري روحج بعد شهرين ضبططط تڪونين يمي،
ردت يڪون تاريخ مُميز فـ اختاريته ١١/١١/٢٠١٩ ....
مستحيل اوصف مشاعري بوكتها كلشي بداخلي تخربط مااعرف شصار بحالي ضليت بس حاضنته وضايعه بحضنه من الفرحه مااعرف شسوي وشلون اتصرف وهو يباوع عليه ويضحك
احمد: شبيج بابا ليش هيج مصدومه ههههههه
دودي: اسڪت احمد ممتخيله هلشي والله، يعني معقوله هايهيه؟؟؟
احمد: هههههه اي ڪلش هايهيه، يلا امشي ننزل نبلغ الجماعه الجوه حتى يتحظرون .....
نزلنه جوه جانو اهلي واهله جاي يحضرون للمجلس باوع عليه وغمزلي ڪال
احمد: لا لا عوفيها هسه مو وڪتها
دودي: هههههه هايهيه بكيفك ....
طلع هو وي الولد بالموكب واحنه ضلينه نحضر صار وكت الملايه واجن نسوان فـ اني اقدملهن مي وحده كلتلي
_ انتي بنت منو
اشرت ؏ امي وابتسمت ڪلتلها هاي ،
ابتسمت بوجهي واني عفتها ورحت للمطبخ وضليت افتر وي البنات واروح منا واجي منا ،
جان تصيحني ننه رحتلها لكيتها كاعده يم هاي المره الي سألت عليه قبل شوي كلتلي
ام احمد: لو تدرين ام مؤمل شرادت مني .....
أنت تقرأ
الريم
Mystery / Thrillerعن الأشياء التي توشك على الإختفاء، أُشيح بوجهي بعيدًا، أن أرقبها وهي تغيب عن الأبصار، هذا ما لا أستطيع أن أفعله، لكن ما إن تدير ظهرك لها حتى تشعر بنظراتها تخترق عظامك بلا نهاية ... يحكى أن هناك فتاه ضاقت بها الدنيا تجاوزت العديد مـن الالام وحكمت...
