#الـريـم 🦋
مثل فزة طفل روحي تفز لو سمعت بطرواك ...
ومثل وردة وشحيحة ماي مزنة مطر تتنخاك !!!
زامل سعيد فتاح
......................................
(دودي)
فزيت اول مدك المنبه ساعه ٦ الفجر، ضليت اكعّد بـ احـمـدي مو راضي يڪعد اصلا يكلي
احمد: لا عليج الله بس شويه
دودي: يلا بابا يلا حبيبي كوم رح تأخر ...
بعد معاناة وصياح كعد، اول مفتح عينه شافني ضحك كلي
احمد : شنو هاي معقوله رح اضل اصبّح بهل وجه الحلو يوميه
دودي: اي طبعا شوف يومك شلون رح يكون اذا تصبّح بهيج شكولات هههههههه
احمد: هههههه صباحي انتي ريـمتـي
دودي: صباح كلشي حلو مثلك، يلا بابا كوم لتتأخر ...
واني احجي ويا امه دكت الباب تريد تكعده صاحلها
احمد: كاعد يمّه كاعد مرتي ڪعدتني ...
ام احمد: صباح الخير
احمد: يا صباح العافيه
ام احمد: هاي اذا هيج يوميه تصبّح تضحك ومرتاح يوميه اخليها هي تكعدك
ثنينه ضحڪنه ؏ ڪلامها
_ يلا بسرعه كوم اسبح علما اسويلك ريوك
احمد: لا ماريد مااشتهي ...
دودي(بصريخ) : لااااااوالله مو بكيفك هو حتى متريد كوووووووم بسرررررعه ...
ام احمد: هههههه ها احسلك هيج ديلا كوم بسرعه
... كام سبح ونزل جوه يتريك ويسولف وي امه ڪللها ؏ قرارنه مال محكمه
ام احمد: ان شاءلله يمّه ان شاءلله، هسه انت بس روح وارجع بخير وسلامه والي تريده يصير ....
صعد سبح وبدل وكل هاي اني ويا صوت وصوره بس اكيد من دخل الحمام وبدل سدها،
كمّل ڪُلشي واني اوصّي بي خاف ناسي شي من غراضه،
اخر شي راد يطلع ڪلي
احمد: يلا بابا هسه انـه رح اسده لان مو بسيارتي اروح للمقر، وبس اوصل للواجب احجي وياج من اكون وحدي مااريد احجي وياج كدام الولد هذوله ميستحون ولساناتهم متبريه منهم، ميعرفون شيحجون ومااريدج تسمعين كلامهم،
انتي روحي نامي واول متكعدين اتصلي عليه أو دزيلي مسج انـه مااكدر اتصل حتى لا اكعدج
دودي: ماشي كلبي امانه انتبه ع نفسك ترا هاي نفسي يمك بداعتي لتخوفني عليك واول متوصل دزلي مسج
أنت تقرأ
الريم
Mystery / Thrillerعن الأشياء التي توشك على الإختفاء، أُشيح بوجهي بعيدًا، أن أرقبها وهي تغيب عن الأبصار، هذا ما لا أستطيع أن أفعله، لكن ما إن تدير ظهرك لها حتى تشعر بنظراتها تخترق عظامك بلا نهاية ... يحكى أن هناك فتاه ضاقت بها الدنيا تجاوزت العديد مـن الالام وحكمت...
