#الـريـم 🦋
عريان السيد خلف يگول:
وبكيـف الظـروف نعيـش محـد عايـش بكيفـة ...
**********************
(دودي)
اجه الدوام رجعت اداوم بس هلسنه بابا مو وياي ...
مو هو الي يوصلني اذا يتأخر الخط عليه ...
چانت اصعب سنه صح مو هو الي چان يوديني بس چنت معتمده ؏ الخط صديقه لان منطقتنه بعيده عن الڪليه واني ابد ممتعلمه اطلع وحدي فـ واجهت صعوبه ڪلش جبيره ...
اول ايام جنت اروح وارجع وحدي بالنفرات لحدما احمد شافلي خط كام يوصلني .
جنت دوم قبل لا اطلع اسولف وي صورته الي يم الباب اڪله
_" بابا اني طالعه ادعيلي 💔
_ بابا اليوم عندي امتحان ادعيلي اجاوب "
وبڪلشي جنت اسولف وابد مامل من الكلام وياه ...
مرت الايام بروتين عادي بين الدوام والبيت وڪلام امي السم بحيث ؏ ڪلشي تتعارك وياي واعدّي ڪالعاده لان ماڪو احد يدافعلي ابلعها واسكت ...
اڪابل صوره بابا الهظم ڪاتلني واسولف ويا
"بابا شفت ماما شجاي تسوي بيه؟ شفتها شلون مستغله الوضع لان انت مموجود تدافعلي، ادعيلي حبيبي، ادعيلي اتقوه"
بيوم اني رجعت متأخره لأن نطونه محاضرات اضافيه رجعت لڪيت امي بالباب منتظرتني استلمتني
ام دودي: هااا يا ام الشوارع توج رجعتي وي منو جنتي
دودي: ياااا شنو وي منو جنت شبيج ماما شجاي تحجين فدوه وخري خل افوت تعبانه ڪلش
ام دودي : انتي صدك دلال ابوج بين عليج شكد كتله لا تعاملها هيج وتخليها تطلع عينها
دودي: الحمدلله دلال ابويه مغزر بيه وتربيته مراحت بلاش
ام دودي: اذاااااا ماربيتج من جديد مااطلع بنت ابووي ...
سكتت عنها ورحت للغرفه الهظم كاتلني وابجي بسبب ڪلامها السم ،
دوم اسأل روحي اني شمسويه حتى هي هيج تحجي عليه وتتعامل وياي بس ماالڪه اي جواب ...
رحت اتصلت ع احمد واني احس روحي صدك تريد تطلع مخنوكه لدرجه ...
دودي(بخنكه): الوو
احمد: هله بنيتي شلونج ليش هيج صوتج
دودي: الحمدلله بخير مابي شي صوتي
أنت تقرأ
الريم
Mystery / Thrillerعن الأشياء التي توشك على الإختفاء، أُشيح بوجهي بعيدًا، أن أرقبها وهي تغيب عن الأبصار، هذا ما لا أستطيع أن أفعله، لكن ما إن تدير ظهرك لها حتى تشعر بنظراتها تخترق عظامك بلا نهاية ... يحكى أن هناك فتاه ضاقت بها الدنيا تجاوزت العديد مـن الالام وحكمت...
