#الـريـم 🦋
" لـ تسولف علـيـنه مـن يـسألـون ....
عـيـون الـنـاس لا تـحسـد عـشـڪـنا "
....................................
( دودي)
جريت نفس وجاوبته
دودي: هاحبيبي شلونك …
هوَ سمع صوتي وهوَ إنهد عليه
احمد: انتييييييي ماعندج ايييييي حس بالمسوؤليه، انتي متهتمين بأحد مطنشه الأُمه كلها، ولا أُبالي شنو معناها عود، هالتطفل هذا هاااااااا ……
يحجي ويحجي واني ساكته مصدومه من اسلوبه وياي، يحجي بعصبيه وبصياح كانما مرتكبه جريمه مو ماراده عليه ....
دودي: شبيك عمري شنو شصار ؟
احمد: شصار مو، روحي شوفي جهازج يالخاتونه
دودي: فوني فوك عايفته ؏ الشحن
احمد: اي روحي هسه كدامي شوفي ……
صعدت شفته 100 مسج، و25 مُكالمه شصاير شدعوه هيج؟،
دودي: شكو شصار ليش هيج حارك الدنيا
احمد: لان حضرت جنابج عايفه الخط مفتوح ومسويته كتم، كعدت اصيح واصيح وانتي ماكو، ادزلج متجاوبين تالي سديته ورجعت اتصل همَ ماكو، عجزت واني اتصل وانتي ماكو عقل ماضل براسي
وماكو فكرة ما اجتني،
تاالي اتذكرت رقم امج يمي واتصلت، وانتي بكل برود شلونك حبيبي !!
دودي: تمام بس اهدئ مصار شي شسالفه ……
اشو هذا نزل عليه عّراك، ويصيح ومعاجبه،
_ هسه هوَ شصار ؏ كيفك، كتلك يمنه هوسه واني اصلاً كعدت متأخره وهمه إجوي للغرفه وكعدوني ومحسيت اصلاً، وفوني مابي شحن كتلك فـ خليته فوك واني نزلت، واصلاً انتَ جنت نايم،
احمد: نايم مو، ماشي ماشي، يلا روحي هسه
دودي: اوكِ باي ……
انغثيت حيل وانهضمت، يعني البارحه أحنه شحلاتنه واليوم بنفس الؤقت الي فرحنه بي نتعارك؟
بعدنه بسم الله صارت عركه
نزلت جوه امي سألتني
ام دودي: شبي، شصاير شبي خابر يرعد؟
دودي: لا مبي شي بس اتصل عليه ماحصلني ضل باله فـ اتصل عليج ……
ماردت احجي شي حتى متصير مشكله،
البنات راحوا كلهم ومحد بقى، طلعوا من البيت، كمت وراهم ونظفت البيت كله، وسويت عشا الهم بس حتى التهي،
وما افكر بأحمد ولا افكر بطريقة كلامه الغريبه ! نفضت افكاري احاول ماتذكر شي ...
للـ 11 صعدت لغرفتي، كلت هسه الكاه مراسلني او متصل عليه، بس الغريب أحمد مداز حتى مسج !
أنت تقرأ
الريم
Misterio / Suspensoعن الأشياء التي توشك على الإختفاء، أُشيح بوجهي بعيدًا، أن أرقبها وهي تغيب عن الأبصار، هذا ما لا أستطيع أن أفعله، لكن ما إن تدير ظهرك لها حتى تشعر بنظراتها تخترق عظامك بلا نهاية ... يحكى أن هناك فتاه ضاقت بها الدنيا تجاوزت العديد مـن الالام وحكمت...
