قصة امير ورهف 🤍
الكاتب ياسين...
لاتنسون التصويت
بالبدايه اني امير عمري 22 سنه عندي اخوات ثنين اصغر مني واخ اكبر مني بسنتين اسمه سيف عمره 24 سنه واختي ريتاج عمرها 14 سنه واخر العنقود ريم 12 سنه
ابوي وامي كبار اعمارهم فوق ال50 المهم اخوي م يدرس وفاتح محل تلفونات واني بالجامعه واخواتي ريتاج بالمتوسطه وريم بالابتدائي
المهم طبعا اني احب وحده اسمها رهف حب الطفوله تعتبر بيتهم يبعد عنا 20 كيلو تقريبا وطبعا رهف محد يدري اني احبها حته هيه متدري يعني نكدر نكول حب من طرف واحد
ابوها وابوي اصدقاء من الطفوله ومرات ابوي يروحله واني اروح ويا بس علمود اشوفها
رهف عمرها 21 سنه وعدها اخت اصغر منها عمرها 17 سنه المهم بعد م عرفتكم على العائلة الكريمه وعلى حبيبة القلب 🙂 نبدي بالقصة....
يوم من الايام ومثل اي يوم عادي جنت بالجامعه اتمشه وجان تجيني اللزكه عبير طبعا هاذي عبير تحبني بس اني م احبها وبيتها كدام بيتنا 🙂
تشوفون الحظ 🙂 يعني الي احبها بعيده اكثر من 20 كيلو والي اكرها بيتها كدام بيتنا
طبعا اكرها لان تسوي مشاكل ويه الرايح والجاي وكم مره مسويتلي مشكله ومطلعه عليه اشاعه تريد الكل يكرهني حته علساس هيه بس تحبني علمود احبها 🙂 المهم
اجتي وكالت: هلا امير شلونك شخبارك
كلتلها: بخير
كالت: شنو رأيك نروح للكافتيريا نكعد هناك واريد اكلك شي..
كلتلها: ( لا ) اكيد جانت تريد تحجي شي تافه مثلها وتضيع وقتي او تسوي مشكله جديدة
المهم مهتميت الها وكمل اليوم طبيعي
الساعة 10 بالليل....
سمعت ابوي يكول لامي باجر حروح لبيت ابو رهف نروح نشوف المزرعه
( طبعا ابوي يريد يشتري المزرعه والمزرعه قريبه من بيت رهف )
المهم اني رحت عنده
وكتله: اريد اجي وياك مشتاق لعمي ابو رهف
كال: والجامعه شلون اني حروح الصبح ومناك اروح لبيت عمك ابو هادي
كتله: عادي اغيب 🙂 المهم اجي وياك
ابوي م عنده مانع وافق وكال حضر نفسك ب9 الصبح احنه يمهم وثاني يوم طلعنه اني وابوي لبيت عمي ابو رهف ( طبعا هوه مو عمي بس اني اكول عمي لان جبير احترام وكذا يعني ) المهم وصلنه وابوي شاف المزرعه وكعد يسولف وياه لحد م صارت الساعه ب1 الظهر وحلف ابو رهف وكال والله م ترجعون الا تتغدون وهاي يعني اي 🙂
طبعا ابوي حاول وياه وكله عدنه روحه بعد لبيت عمي ابو هادي ( طبعا عمي ابو هادي هوه عمي الحقيقي 🙂 اخو ابوي ) المهم مقبل وكعدنه تغدينه يمهم وشفت حبيبة القلب رهف 😂🤍 اجتي جابت الاكل وسلمت علينه وراحت طبعا محجبه وبنت محترمهه كلش ومؤدبه وكيوت المهم تغدينا وكملنه وسلمنه ع ابو رهف ورحنه لبيت عمي ابو هادي هذا عمي عنده هادي اكبر واحد عمره 24 سنه وفاطمة عمرها 19 سنه المهم دخلنا وسلمنا ورادو يجيبولنه الغدى بس كلنالهم تَونا تغدينه وابوي كعد يسولف وياهم واني بالجوال والسماعات باذني بعالم ثاني يعني
