وجان اكعد من النوم....
لكيت نفسي بالسياره ورهف يمي
كالت: امير انته زين؟
كلت: اي زين بس نمت واجاني كابوس
كالت: بسم الله عليك
المهم وصلنه لبيت اهلي ودخلنه وسلمنه واجتي يمي ريم اختي الصغيره
حضنتني وكالت: مشتاقتلك كلش
كلت: واني اكثر حبيبتي ريتاج شلونها
كالت: متغير شي 24 ساعه بغرفتها وكل يوم او يومين تطلع وتكول رايحه لبيت صديقتي وترجع ب12 بالليل
رهف سمعتها وكالت:
ريم حبيبتي شبيها ريتاج؟
كالت ريم: بعد م امير تزوجج وطلع مادري شصار بيها
كالت رهف: يمكن متحبني او متريد تشوفني؟
كالت ريم: لا انتي الكل يحبج ومنو ميحب يشوف هالوجه الحلو
كالت رهف: فدوه لحلكج
المهم رحت لغرفة ريتاج ودكيت الباب وفتحت ودخلت وسديت الباب وراي
كالت: شجابك؟
كلت: بيت اهلي واجي شوكت ماريد
كالت: شجابك للغرفه وشتريد
كلت: ريتاج عرفت كلشي
كالت: شنو الي عرفته؟
شوفتها المقطع الي جانت هيه والولد بي ودخلوا البيت
كلت: هاي منو؟ وحته نفس لون الفستان برتقالي وع وين اكو وحده تلبس فستان برتقالي
كالت: اول شي لتحجي ع فستاني احلى منك وثاني شي انته معليك
كلت: شنو معليه يعني اشوف اختي تطلع ويه ولد وكلشي ماسوي غير اني اخوج ريتاج اصحي هذا يضحك عليج
كالت: لااا ناصر يحبني
كلت : اسمه ناصر
كالت: امير انته راح تخرب حياتنه
كلت: البارحه تعاركت وياه هذا ناصر وضربته بعينه
كالت: ادري كلي وحته هوه ضربك ع خشمك
كلت: ما شاء الله توصلج الاخبار بسرعه
