طلع هادي ابن عمي الي تزوجت اخته فاطمه وانتحرت
كال: عبالك نسيتها مو؟ تزوجت اختي فاطمه وخليتها تنتحر ومتدري شكد جنت احبها وانته تجي بهاي السهوله تكللها كلمتين نهيت حياتها
كلت: ابوي جبرني اتزوجها وبعدين كلتلها ع رهف وهيه انهارت
كال: شلون انتحرت؟
كلت: يعني علساس متعرف
كال: هسه دكول
كلت: ضربت راسها بالمرايه وماتت
كال: بالضبط هوه هذا الي راح يصير باختك هسه
كلت: شنو
كال: مثل مسمعت اخخ يا فاطمه الله يرحمج هسه اجه وقت الانتقام راح انتقملج حبيبتي
كلت: زين ليش رابطني
كال: حته اريدك بس تتفرج ومتكدر تسوي اي شي
كلت: شتفرج
كال: ع تعذيب اختك وشلون حتموت
صرخت عليه وكلت هاااادي: الا اختي ديربالك تلزم شعره من عدها اكتلني اني وعوفها
كال: لا اريدك تحس بنفس الشي الي اني حسيته تكتل اختي بهاي السهوله وهسه متريدني انتقم
كلت: هادي هذي اغلى وحده عندي
كال: اني همين جانت فاطمه عندي اغلى شي
كلت: هادي الله يخليك عوف اختي
ريتاج جانت تصيح وتبجي تكول امييرر والله بعد م اعيدها وراح اسمع كلامك والله اميرر بس تعال ساعدنيي
يالله يالوضع الي اني بي حالياً اختي مربوطه وتصيح تكول امير ساعدنيي واني مربوط وماكدر اسوي اي شي وهذا يكول راح يكتلها
كال هادي: ها شبعت منها؟
كلت: هادي بشرفك عوفها وانطيك الي تريده
كال: اريد فاطمه
كلت: الله يرحمها بس عوفنه
كال: يلا امير استعد حته تشوف وتحس بنفس الشي الي حسيته قبل سنه
راح جاب مرايه جبيره وراح يم ريتاج وريتاج تصيحح باعلى صوتها بس محد يسمع لان تقريبا احنه بمنطقه مقطوعه جانت تصيح وتبجي وتكول امييرر اني اسفه ع كل شي والله امييرر الله يخليك
