كلت: خير سيف خوما صاير شي؟
كال: هاي ريتاج مدا ارتاحلها هالايام
كلت: ليش شبيها؟
كال: كل يوم بالليل اسمعها تحجي بالتلفون
كلت: يمكن ويه صديقتها
كال: ويه صديقتها؟ لعد ليش متخابرها الصبح؟ ومن احنه موجودين وليش دائماً تخابرها بالليل ومن احنه نايمين؟ امير ركز يمكن اختنه مسويه علاقه ويه شخص؟
كلت: مستحيل اني اعرف ريتاج كلش زين ابد متحب سوالف الحب
كال: بس ترا بعد م طلعت انته ورحت سكنت بغير بيت هيه متغيره
كلت: ادري امي كالتلي ودائماً بغرفتها
كال: اي صح ف اريدك تشوف شنو سالفتها
كلت: ليش متشوفها انته؟
كال: مو انته تعرفهه اكثر مني ويمكن تحجيلك اني تعاملني عبالك غريب لان دائماً طالع ومتنطيني مجال حته احجي وياها
كلت: تحجيلي؟ هههه مستحيل
كال: اسمع امير اني باجر راح اطلع ويه جماعتي نسافر
كلت: وين؟
كال: رايحين يم صديقنه حسين تذكره؟
كلت: حسين الطويل صح؟
كال: اي هوه هذا
كلت: والله زمان عنه خلي اجي وياكم مشتاقله والله انه فلهه ويونس
كال: لا انته بغيابي اريدك تكشف سالفة ريتاج وعود غير مره نروح لحسين وناخذك ويانه
( طبعا هذا حسين جان صديقنه من جنه صغار وبيتهم جان قريب من بيتنه بس راحو لغير محافظه)
المهم كعدت شويه يم اهلي وجان تخابرني رهف
كالت: يله وين صرت تعال ندغدى مو متت جوع
كلت: حبيبتي هسه جاي انتي اكلي
كالت: لا ماكل الا تجي ناكل سوه
كلت: تمام هسه جاي
كلت لاهلي رهف خطيه تنتظرني ع الغدى لازم اروح واخذت هدية عبير وطلعت
وصلت للبيت لكيت رهف صابه الغدى وكاعده تنتظرني
كالت: واخيرا
